Endamê Desteya Siyasî ya Hevbendiya Niştimanî ya Sûrî Behcet Eletasî, got ku gotinên Rusya careke din, ku wê “komên têrorîst” li bakurê Sûriyê armanc kirine, bêşermiyek e, ji ber ku tenê ew malên sivîlan û jêderên debara jiyana wan armanc dike, û ev jî tekez dike ku ew dewleteke dervî yasayê ye, û pê li Yasa û urfên navdewletî yên naskirî û pejirandî dike.
Û Eletasî di daxwiyaniyên taybet de, îro duşemê, amaje bi wê yekê kir ku bihane û lîstikên Rusya êdî ji tevaya cîhanê re eşkere bûne, nemaze piştî komkujiyên ku wê li dijî sivîlên bêguneh pêk anîne, nemaze yên ku li Sûriyê û Okraynay hatine belgekirin.
Û got ku Rusya herdem hewl dide ku bihaneyan ji tawanên ku li dijî zarok û jinan pêk tîne re bibîne, û bi awayekî eşkere wan tawanan red dike, û got ku êdî kes baweriyê bi bihaneyên wê nayne, nemaze piştî ku rêxistinên mafên mirovan û çalakvanên mafnas bi awayekî hûrgilî li gorî rêxistinên ser bi Netewên Yekbûyî ve, ev tawan belge kirine.
Û Eletasî careka dî tekez kir ku sistbûna navdewletî di danûstandina li gel tawanên rijêma Esed û Rusya de, û sizanekirina wê, ev bêşermî û quretî û jiserxweçûn daye wê, û hiştiye di tawanên li dijî sivîlan de berdewam bike.
Jêder: Ofîsa Ragihandinê ya Hevbendiya Niştimanî ya Sûrî
