Endamê desteya siyasî ya Hevbendiya Niştimanî Ya Hêzên Şoreşê Û Rikberiya Sûriyê Yasir Elferhan, daxwaz ji her hevwelatiyê Sûrî yê ko li Ewropa dijî û regeznameya dewleteke Ewropî pêre heye kir, ku giliyê rêjîma Esed bike, bi sedema kirde tawankariyên cengê û tawankariyên li dijî mirovantiyê yên di derheqê wan û miletê Sûrî de dike.
Endamê komîta yasayî ya Hevbendiya Niştimanî Yasir Elferhan, spasiya rêkxistinên “Yekîtiya Navdewletî Ya Mafên Mirovan” û rêxistina “Peywendiya Mafên Mirovan” kir, ji ber piştgiriya wan ji giliyê Obeyda Eldebax, yê Firensî-Sûrî yê (64) salî, endazyar e û li Firensa dijî, û ji sala 2013an ve li birayê xwe (Mazin) û kurê wî (Patrîk) ko li Şamê wenda bûna digere.
Evan herdu rêkxistinan gilînameyek ji dadgeha Firensî re pêşkêş kirin, tê de rêjîma Esed bi “veşartina kotekî û êşkence û pêkanîna tawankariyên cengê” tawanbar kirin, bi sedema veşartina kotekî û êşkencekirina kesê Sûrî-Firensî Mazin Debax û kurê wî.
Herdu rêkxistinên nefermî ji Dozdarê giştî di beşê taybet bi tawankariyên li dijî mirovantiyê û yên cengê yê bi ser Dadgeha bala li Parîsa paytext, daxwaz kirin ko vekolîneke adilane di vê kêşeya veşartina Debax û kurî wî de bibe, ji gava ko ji aliyê ewlekariya rêjîma sala 2013an ve hatine revandin.
Patrîk (20 salî) li kolîca Wêjeyî li paytexta Sûriyê dixwîne, nîvê şeva 03ê heyva çêriya paşî sala 2013an hêzin hatin mala wî û gotin em ji ewlekariya Sûrî ne, tenê wê hinek pirsan jê bikin, û ew birine û di pey re bavê wî yê rawêjkare li dibistaneke Firensî li Şamê, ji aliyê hin çekdaran ve hate girtin ko jê re gotibûn “te kurê xwe baş perwerde nekiriye” li gora daxuyaniya ko ji herdu rêkxistinan derçûye.
Daxuyaniyê berdewam kir “ji ber karîn nîn e ko ber bi dadgeha tawankariyên navdewletî ve biçin li ser tawankariyên ko di dermafê miletê Sûrî de dibin, êdî dem hatiye ko desthilatdarin dadgehî li dewletin din vekolînan di van tawankariyan de vekin.”
Di eylûla 2015an de wezareta derve ya Firensî gilînameyek ji Dozdarê giştî yê Parîsê re pêşkêş kir, li ser rewşa êşkenceyên ko li Sûriyê çêbûne yên ko dosya “Elqeyser” yê berê bi ser ewlekariya leşkerî ve ew diyar kirine, ku 55hezar wêne bi kamîra ji hundirê nexweşxanên Şamê belge kirine, tê de kelaxên girtiyên ko êşkence bûne û bi destê endamên ewlekariyê hatine kuştin diyar dikin.
Jêder: Hevbendî+Acans
