Endamê desteya siyasî ya Hevbendiya Niştimanî ya Hêzên Şoreşê û Rikberiya Sûriyê Yasir Elferhan, tekez kir ko Operasiyona Mertala Ferat rê li ber destdirêjiya rêkxistinên tirorist girt û evî tiştî bandoreke erênî li pêvajoya şoreşa Sûriyê kir.
Elferhan di daxuyaniyeke taybet de îro got ko operasiyona leşkerî ya Artêşa azad li gundewarê Helebê yê Bakur û ya ji hêla Artêşa Tirkiyê ve tête pişgirîkirin,“baş bi pêşve diçe û tê texmînkirin ku şoreşger di du rojên dahatî de bajarê Babê kontrol bikin”. Bêtir got ku “ew dê bihêle herêmeke hêmin dabîn bibe û penaber êdî karibin vegerin û ew herêm wê parastina wan ji êrîşên Rêjîma Esed û Rûsya bike ”.
Elferhan bal kêşand ser ku operasiyonê nehişt milîtanên PYD bigihên rojavayê Ferêt û tekez kir ko piştî rizgarkirina bajarê Babê dê Artêşa azad berê xwe bide bajarê Minbic, û got ko wan milîtanan tawanên cengê kirine, malên sivîlan xerab kirine û ew bi hêza çekan ew koçber kirine, û bi fermana Partiya Karkerên Kurdistanê hewil dide Sûriyê parçe bike.
Hêzên Artêşa azad bajarê Babê dorpêç kirine bi amanca ko têkevinê û ji destê rêkxistina Daişa tirorîst rizgar bikin, piştî sê mehan ji destpêkirina operasiyona “Mertala Ferat” digel ko şer li himber milîtanên PYD li gundê Cib Eldem ya nêzîkê Babê berdewam e.
Jêder: Nivîsgeha Ragihandinê ya Hevbendiya Niştimanî