Emîndarê giştî yê Hevbendiya Niştimanî ya Hêzên Şoreşê û Rikberiya Sûriyê Nezîr Alhekîm daxwaz ji Birîtanya kir ko ew piştgiriya danûstandinên Cinêvê bike tako bigihêjin çareserkirina siyasî li gora daxuyaniya Cinêvê û biryarên encûmena ewlekariyê yên hejmar 2118 û 2254 ya ko dibêje desteyeke desthilatdar bête damezirandin ko cihê Esed û peyayên wî tê de tune be.
Ev gotin di hevdîtina Elhekîm digel Tom Şibêrd û Nibras Hesen berpirsiyarên siyasî derbarê karûbarê Sûrî yê qunsiliya Birîtanî li Tirkiyê hatin, tê de Şibrêd xweşhaliya xwe bi plana desteya serokatiya nû da ya ko emîndarê giştî ew pêşdîtin kir.
Herdu aliyan pêşketinên meydanî û siyasî gotûbêj kirin û giringî dan operasiyona siyasî ya ko îro li Cinêvê li Siwêsra dest pê kir.
Emîndarê giştî di hevdîtinê de ya ko herdu endamên desteya siyasî ya Hevbendiya Niştimanî Selah Elhemewî û Sefwan Elcendelî lê amade bûn got ku “piştgiriya Birîtanya ji çareserkirina siyasî re giring e ji ber rola wê ya bi bandor û giraniya wê wekû dewleteke mezin.”
Herdu aliyan tekez kirin ko giring e hevkariyeke temam di navbera dezgehên opozîsyona Sûriyê de were kirin, û amje bi rola giring ya Birîtanya kirin ko yekemîn welat e piştevaniya Hevbendiya Niştîmanî û Şoreşa Sûriyê kir.
Herdu aliyan tekez kirin ko divê Hevbendiya Niştîmanî roleke sereke bilîze di gihiştina alîkariyên mirovî de ji bo kesên hewcedar li deverên Sûriyê, û ew jî di rêya damûdezgehên Hevbendiya Niştîmanî re(Hikûmeta Demkî ya Sûriyê û Yekîneya Hemahengiya piştevaniyê û Encûmenên Xwecihî).
Herdu aliyan destnîşan kirin ko di hevdîtina bê di navbera wan de dê tekziyê li ser warê mirovahî bikin û piştevaniya ko Hikûmeta Birîtanyayê di hemû waran de pêşkêş dike wek warê berevaniya sivîl, perwerde û Encûmenên Xwecihê û polîsên azad.
Herwiha Emîndarê Giştî yê Hevbendiyê tekez kir ko “Ew tişta ko em di nava plana serokatiya nû ya Hevbendiyê de dikin bi hewceyê piştevaniyeke rasteqîn e ji dostên gelê Sûriyê.”
Jêder:Nivîsgeha Ragihandinê ya Hevbendiya Niştîmaniya Sûriyê
