Emîndarê giştî yê Hevbendiya Niştimanî ya Hêzên Şoreşê û Rikberiya Sûriyê Nezîr Elhekîm hişyayî da û got, ku ev sistbûna li ser asta navdewletî bi Beşar Esed re derbarê bikaranîna wî ji çekên kîmawî û yên qedexekirî re dijî gelê Sûriyê, wê bihêle ku gelek desthilat beramberiya gelê xwe bi vî rengî bikin, û ew pêşketina teknolocî wê nikaribe beramberiya wan bike, û Elhekîm tekez kir ku metirsiya van çekan li ser hemûyan e bêyî ku kes jê bê ziyan bimîne çi kes bin û çi jî milet bin.
Ev gotin hat di gotara îro ya li kongirê navdewletî ya li ser gefa çekên nenormal li Asyayê û Oqyanosa Hadî li paytexta Kûryayê Seuol, bi beşdarbûna taybetmendên akadimî û leşkerî ji çend dewletan, yên di warê karûbarê çekên kîmawî û şerê li dijî tiroristiyê dixebitin.
Elhekîm têkçûna rêkxistina qedexekirina çekên kîmawî di karê xwe yê ji bo nehêlana çekên kîmawî de di cebilxaneya Esed de destnîşan kir, çimkî xelata Nobil li ser têkbirina wê ya ne tekûzkirî wergirt, tawankariya Esed ya li Xan Şêxûn aşkere kir ko karê rêkxistinê ne bes e, û Elhekîm dibîne ko rêkxistin di du xalan de şaş bû: yek jê ku wê Pêngavên pêwîst navêtin ji bo piştrastkirina ji qebareya çekên rêjîm pê mukur hatibû, û ya din ku wê hestekî nerast yê hêminyê dabû rêkxistinên di vî warî de kar dikin, û vê yekê hişt ku helwesta dijî van çekan ne li gor tê xwestin be, bi taybetî ku kadirên li Sûriyê li jêr fişarê ne ta pileyekê ko amadekariya ji bo derbên kîmawî, bûye mijarek normal û ne sereke.
Elhekîm daxwaz kir ko rêkxistina qedexekirina çekên kîmawî lezê di vekolînan de bike, û çekên ko li cem rêjîmê mane têk bibe, û wê li ser berhemdana wê ya xwecihî ji van çekan re siza bikin, û nema bihêlin wan berhem bike, û peyketina wê ya yasayî bikin, Her weha daxwaz kir ko piştgiriyeke navdewletî ji Sûriyan re bibe, bi dana alavên alîkariya wan di rakirina şûnmayên rêjîma Esed û Daişê ji mayûn bike, û berhemên parastina ji çekên kîmawî bidine wan.
Elhekîm diyar kir ko 1 % ji kuçtiyên gelê Sûriyê bi çekên Esed yên nenormal in, lê 99% yên din bi çekên normal tên kuştin, ji ber vê yekê divê kuştin li Sûriyê bi tevayî bête rawestandin, û banga rizgarbikina miletê Sûrî gihande wan.
Jêder: Nivîsgeha Ragihandinê ya Hevbendiya Niştimanî
