Serokê Hevbendiya Niştimanî ya Sûrî D. Nesir Elherîrî, civînek li gel berpirsê siyasî yê doseya sûrî li Herîma Kurdistana Îraq D. Hemîd Derbendî lidar xist, û pêre behsa rewşa meydanî û siyasî ya sûrî û doseya penaberan, her weha bizava Hevbendiyê ji bo vekirina rêya desthilata veguhêz li gor biryara 2254 bi serperştiya Netewên Yekbûyî kir.
Û di hevdîtinê herdu Cîgirên Serok Ebdulhekîm Beşar û Ruba Hebûş û Emîndarê Giştî Ebdulbasit Ebdulletîf û Hevrêzkarê Têkliyên Derve Ebdulehed Istêfo û Endamên Desteya Siyasî Mihemed Yehya Mektebî û Mihemed Silo û Yasir Elferhan û Endamê Hevbendiyê Şelal Gedo û Endamê Ofîsa Têkliyên Derve ya Encûmena Niştimanî ya Kurd û Endamê Desteya Danûstandinan ya Sûrî Ibrahîm Biro amade bûn.
Û Elherîrî di hevdîtinê de operasyona teroristî yaku têde girûpekî bi ser Heşda Şebî ve bajarê Hewlêrê armanc kiriye di heman dema êrîşên li ser Balyozxaneya Emrîkî li Bexdayê şermezar kir.
Û Elherîrî li ser rola berçav ya pêkhatên Sûriyê yên di şoreşa sûriyê de beşdar bûne axivî, û behsa pêwîstiya berdewamî û pêşxistina têkliyan li gel Herêma Kurdistanê yaku li kêleka gelê sûrî di şoreşa wî de ji destpêkê de rawestiyaye kir.
Û Elherîrî bal kişand ser rola berbiçav yaku Hikûmeta Herêmê ji bo alîkariya sûriyên koçberî Herêmê bûne, ji ber ku Herêmê pêşwaziya bidehên hezaran ji malbatên sûrî yên ji ber zordariya rijêma Esed reviyane kir, û bal kişand ser ku ev tişt dê asoyên hevkariyê li pêşiya hevpişkiyên mezin di pêşerojê de veke.
Jêder: Ofîsa Ragihandinê ya Hevbendiya Niştimanî ya Sûrî