Serokê Hevbendiya Niştimanî ya Sûrî bi serdaneke meydanî li ser ARKtv û radyoya RÊBAZ yên girêdayî Encûmena Niştimanî ya Kurd rabû, û di serdanê de bi kadroyên di herdu dezgehan de dixebitin re civiya, û doseyên ku li ser kar dikin û pirogramên diyagolî yên ku herdu dezgeh li gel kesayetên siyasî yên sûrî yên li herêma kurdistanê û dervî wê pêktînin temaşe kir.
Û di serdanê de herdu Cîgirên Serok Ebdulhekîm Beşar û Ruba Hebûş û Emîndarê Giştî Ebdulbasit Ebdulletîf û Hevrêzkarê Têkliyên Derve Ebdulehed Istêfo û Endamên Desteya Siyasî Mihemed Yehya Mektebî û Mihemed Silo û Yasir Elferhan, hevaltiya Serokê Hevbendiya Niştimanî kirin.
Û Serokê Hevbendiya Niştimanî derbarê binpêkirinên li deverên rizgarkirî çêdibin got ku ew pêkhatekê bi tenê armanc nakin û ji aliyê hin endaman ve pêk tên, û got ku hevbendî îro li gel Hikûmeta Sûrî ya Demkî û Artêşa Niştimanî kar dike ji bo rûbirûyî van binpêkirinan bibe û wan bidawî bike, û tekezî li ser karê berdewam li ser çakkirina ketwarê li wan deveran û xurtkirina desthilata rewa tê de kir.
Û Elherîrî rewşa karê di herdu dezgehên raghandinê de dibin û pirogram û xelekên ku ronyê didin ser bûyerên ketwarê sûriyê temaşe kir, wek eşkerekirina kiryarên rêxistinên PYD û PKK li deverên di bin kontirola wan de, di riya girtin û koçberkirin û leşkerkirina neçar re, ta dighê asta birina xelkê wek giraw ta ku ciwanên xwe radestî desthilatê bikin.
Û Elherîrî bal kişand ser giringiya rola raghandinê di zelalkirin û veguhastina derdeseriyên gelê sûrî de, û veguhestina wêneya rasteqîn ji ketwar re, û guh nedin nûçeyên şaş yên ku li ser mediya civakî belav dibin.
Û Elherîrî got ku berpisyarî mezin e, û bar giran e, lê tevî wê jî pêşdeçûn li deverên rizgarkirî bi awayekî mezin çêdibe, û cextî li ser pêwîstiya belavkirina gotara raghandina niştimanî yaku biratiyê di navbera pêkhatên sûriyê de xurt dike kir, her weha giringiya ku li hember riklamên şaş yên dixwazin fitneyê di nav civakê de çêbikin her weha li hember kesên nakokiyan di nav ol û netew û pêkhatên sûriyê de peyda dikin rawestin.
Jêder: Ofîsa Ragihandinê ya Hevbendiya Niştimanî ya Sûrî
