Bi hevrêziya Ofîsa Revendan û Nûnergeha Hevbendiya Niştimanî ya Sûrî li Waşinton, Hevbendiya Niştimanî civînek ji dûr ve li gel Serokên Saziyên Siyasî yên Sûrî ku li Emrîlka kar dikin lidar xist, û bi wan re behsa rola van saziyan di piştgiriya şoreşa sûrî de û pêşketinên meydanî û pêşhatên pirosesa siyasî kir.
û di civatê de Serokê Hevbendiya Niştimanî D. Nesir Elherîrî û Hevrêzkarê Ofîsa Revendan Mihemed Yehye Mektebî û Herdu Endamên Desteya Siyasî Ebdellah Gedo û Ebdilmejîd Berekat û Nûnera Hevbendiya Niştimanî di Ntetewên Yekbûyî de Meryem Çelebî û Nûnerê Hevbendiyê li Emerîka Quteybe Idlibî, amade bûn.
Her weha Serokê Encûmenê Rêvebiriya Encûmena Sûrî Emrîkî Zekî Lebabîdî û Rêvebira Cîbicîkar ya Encûmena Sûrî Emrîkî Sozan Mirêdîn û Serokê Encûmena Rêvebiriya Dezgeha Mîd Gilibal D. Zahir Sehlûl û Serokê Encûmena Rêvebiriya “Saziya Sûrî ya Rewşên Awarte” D. Haşim Mibarek, û Seroka Saziya “Fileyên ji bo Aştiyê” Mîrna Berq û Serokê girûpa “Welatiyên ji bo Emrîka Aaraam û Parastî” Mihemed Bekir Xibîs, û Serokê Girûpa Emrîkiyên ji bo Sûriya Azad Ismaîl Başa, amade bûn.
Û amadebûyan giringî dan rewşa ewlehî û meydanî li deverên rizgarkirî, her weha rewşa mirovahî û debara jiyanê, û rêyên nehêlana ku Rûsiya VETOyê texmînkirî dermafê dirêjkirina dema biryara alîkariyên mirovahî di riya sînor re bikar bîne gengeşe kirin.
Û amadebûyan behsa pirosesa çaksaziya Hevbendiya Niştimanî û xurtkirina nûnertiya wê ya siyasî û cemawerî kirin, û li ser pêşketinên vê dawiyê di Komîteya Destûrî ya Sûrî de çêbûne û encamên hevdîtinên dawîn di vê derbarê de axivîn.
Û Hevrêzkarê Ofîsa Revendan Mihemed Yehya Mektebî, tekez kir ku Hevbendiya Niştimanî pir giringiyê dide xurtkirina hebûna xwe li deverên rizgarkirî, û xebatê li ser çakkirina sazî û amûrên cîbicîkar têde bike, ji bo dabînkirin û çakkirina xizmetkariyên ku têde têne pêşkêşkirin, û dê li ser sivikkirina wan derdeseriyan û dabînkirina pêdviyên wan yên sereke kar bike.
Û Serokê Hevbendiya Niştimanî bal kişaand ser rewşa ewlehî li deverên rizgarkirî, ji ber ku hîn girûpên Daiş û rijêmê û rêxistina PKK ya teroristî li deverê hene, û eşkere kir ku herdu Wezaretên Berevaniyê û Navxwe yên Hikûmeta Sûrî ya Demkî karekî mezin li ser vegerandina ewlehî û aramiyê li deverê dike.
Û Elherîrî li ser pirosesa çaksaziya Hevbendiya Niştimanî li ser asta endaman axivî, û bal kişand ser ku endamin nû tevlî Hevbendiyê bûn, û got ku mîkanîzma nûnertiya leşkerî ji nû de tête nirxandin, û dît ku derbarê nûnertiya leşkerî di dema nêzîk de dê biryarek di wê derbarê de derkeve.
Û Elherîrî cext kir ku giringtirîn destkeftin bo qonaxa dahatî ku bizava li gel hevparên navdewletî ji bo dirêjkirina biryara derbaskirina alîkariyên mirovahî bo sûriyê di riya dergehên sînorî re çêbibe, û anî ziman ku piştgiriya navdewletî pêwîst e ji bo ku careke dî Rûsiya VETO bikar neyne.
Û derbarê pirosesa siyasî, Elherîrî diyar kir ku pirosesa distûrî bi tenha serê xwe çareyê ava nake, û got ku divê tevaya rêyên biryara navdewletî 2254 û di serî de desthilata veguhêz werin vekirin.
Û ji aliyê xwe ve Endamê Desteya Siyasî Hevrêzkarê Tîma Karê Şopandina Yasaya Qeyser Ebdilmejîd Bereket, li ser dawîtirîn kar û çalakiyên tîmê axivî, û got ku Tîmê lêkolînek ji Emrîka re li ser pereyên ku rijêm di riya biderxistina pesporan re werdigre û belgeyên di riya balyozxaniyên xwe re li hin dewletan derdixe pêşkêş kir, û tîmê hejmarek ji pêşniyaran ji bo nehêle ku rijêm sûda darayî ji vê pirosesê bibîne û bixe xizmeta alavên xwe yên leşkerî de pêşkêş kir.
Û Endamê Desteya Siyasî Ebdellah Gedo, daxwaza pêwîstiya ku Revenda Sûrî li Emrîka çalakiyên vejîna bîranîna dehemîn ya şoreşa sûriyê lidar bixe kir, di heman dema çalakiyên ku Hevbendiya Niştiomanî dê bi vê boneyê lidar bixe.
Jêder: Ofîsa Ragihandinê ya Hevbendiya Niştimanî ya Sûrî
