Duh duşembê Şanda desteya Sûrî ya danûstandinan bi serokatiya Dr. Nesir Elherîrî bi wezîrê derve yê Rûsya Sêrgî Lavrov re li paytexta Rûsya Moskoyê civiyan, û digel hev pêşketinên meydanî û siyasî yên dosya Sûrî gotûbêj kirin.
Lavrov hevdîtin bi xweşhaliya xwe bi dîtina şandê dest pê kir, û diyar kir ko ew li hêviya vê hevdîtina digel şandeke yekgirtî ji rikberiyê re bû, û pesnê bizavên desteyê bo biserxistina operasiyona siyasî li gor biryarên navdewletî da.
Lavrof destnîşan kir ko welatê wî pabend e bi cîbicîkirina tekûz ji biryara navdewletî ya 2254 re bi hemû bendên wê ve, û got ko amanca sereke ya Mosko derbarê operasiyona siyasî piştgiriya operasiyona Cinêvê ye, li jêr sîwana Netewên Yekgirtî ji bo bigehin amanca daxwazkirî.
Dr. Elherîrî spasiya birêz Lavrof kir, û amaje bi giringiya vê hevdîtina digel “aliyekî giring di mijara Sûriyê de” kir, û got ku ev hevdîtin ji bo berjewendiya miletê Sûriyê ye, û ew bercewendî armanca sereke ya hemî bizavên desteyê ye, û ew bercewendî bi pabendiya bi biryarên navdewletî û tevlîbûna operasyona siyasî dest pê dike, û ev hevdîtin ji bo eşkerekirina têkçûna rêjîmê û astengkirina wê ji proseya siyasî re ye .
Elherîrî di hevdîtinê de got : ‘’gava em çareseriya siyasî hildibijêrin ev tê wateya em berevaniya miletê Sûrî li hindir û derve dikin, ko em Sûriyeke azad, dîmuqratî, sivîl û piralî nemezhebî dixwazin, dewleta yasa û ewlehî û aramiyê, ya sivîlan biparêze û peywendiyên wê bi dewletên cîran re baş bin.‘’
Elherîrî di hevdîtina digel Lavrov û nûnerên wezareta berevaniya Rûsî de, giringî da axaftina li ser kêşeya mirovî, û destnîşan kir ko ev mijar di ser danûstandinê re ne, di serî de berdana girtiyan û rakirina dorpêçê ji ser bajar û bajarokên dorpêçkirî, û gihandina alîkariyan bo kesên hewcedar.
Elherîrî li ser daxuyaniya Cinêvê û biryarên di pey re hatine got ko ew dibêjin ‘’desteyeke desthilatiyê ya veguhêz ‘’ çêbibe bi hemû karûbaran û cihê baweriyê wek ko biryara 2254ê salix dide, ya seqayeke aram û bêlayen amade bike, da Sûrî bi viyana xwe karibin di operasiyona destûrî û hilbijartinên azad li gora pîvanên navdewletî û li jêr çavdêriya Netewên Yekgirtî beşdar bibin.
Elherîrî di mijara şerê tiroristiyê de destnîşan kir ku ‘’ tiroristî dijmina miletê Sûrî ye, ya ko bi dehhezaran kes têkbirin, û êdî divê girêbesteke niştimanî hebe ji bo şerê tiroristiyê bike.‘’ û got ko Sûrî bi artêşa xwe ya azad ve şerê tiroristiyê kirin, û di serî de tiroristiya rêjîma zordar û ya çeteyên tundrew.
Derbarê herêmên kêmkirina şer, Elherîrî bal kişand ser ko ew peyman li ber ba çû û tune bûye, ji ber binpêkirinên rêjîmê û milîtanên Îranî û çeteyên tirorist , û tekez kir ko jiyana miletê Sûrî ji me re pêşinde ye.
Li ser tiştê li Xûta û Idlib çêdibe Elherîrî got ko sê mehên borî ji bombebaran, koçkirin, û dorpêça ko rêjîm û milîtanên wê feriz dike bêhempa ye.
Elherîrî li ser rola Rûsî û tiştê li Sûrî çêdibin axivî û got ku giring e Rûsiya bi imzekirinên xwe pabend be. Û derbarê kongirê Sotşî yê ko wê çêbibe, got ko pêzanînên derketine nezelal in, û bi dehan daxuyanî ji ala û encûmenên xwecihî û partiyên Sûrî derketine vê pingava Rûsî red dikin.
Bal kişand ser ko desteyê li ser zimanê serokê xwe got ew dibîne ko niha çi birayara dawî nastîne beraber kongirê Sotşî heta pêzanînên zelal ên xizmeta pêvajoya siyasî li Cinêvê dikin diyar bibin, û di pey re dê digel şirîkanên xwe yên navdewletî gengeşe bike, û got ku deste bo berjewendiya miletê Sûrî dixebite, û di standina biryaran de li dengê wî guhdarî dike.
Di rûniştina ko çar demjimêran berdewam kir digel wezîrê derve û şanda wezareta derve û ya berevaniyê de, Lavrov bersiva pêşniyazên Dr. Elherîrî da û got ko helwesta Rûsya ne li dijî nerîna desteyê ye beraber cîbicîkirina biryara 2254ê, û got em dixwazin biryar bi tekûzî cîbicî bibe, ne bi şêweyekî bijartinê.
Gengeşe li ser kongirê Sotşî berdewam kir, û nerîn derbarê kongir dûrî hev bûn, û Rûsya got ku em di helwesta desteyê de ya cîbicîkirina tekûz ji biryara 2254ê re têdigehên.
Ji aliyê xwe endamên desteyê li ser komek kêşeyên ko nahêlin rewşa Sûriyê çareser bibe axivîn, û giringtrîn xal divê hêzên biyanî û milîtan ji Sûriyê derkevin.
Herdu aliyan li ser berdewamiya têkiliyên jidil ji bo biserxistina hevdîtinên Viyêna û karakirina pêvajoya Cinêvê li hev kirin, û hemû bizav û çalakiyên siyasî bibin ji bo dîtina çareseriyeke siyasî ji kêşeya Sûrî re.
Jêder: Nivîsgeha Ragihandinê ya Hevbendiya Niştimanî
