Serokê Desteya bilind ya danûstandinan Nesir Elherîrî diyar kir, ko Opozisyona Sûrî nêta Rûsya ya baweriya bi çareseriya siyasî li ser bingeha daxuyaniya Cinêvê û biryarên 2218 û 2254 dixe ezûmê de, û bal kêşand ser ko hîç nayê pejirandin ku Îran çavdêr anjî dabînkara çi lihevkirina bête encamdan be.
Di hevdîtina digel rojnameya “Elşerq Elewset”, Elherîrî tekez kir ko rêjîm ne jidil operasiyona danûstandinan dike, û ew ne di rewşeke baş de ye û got: “rêjîm tenê wekû wêneyekî maye bi saya dewletên mezin, çi li ser asta herêmî be yan jî navdewletî be, ji ber ku civaka navdewletî heta vê kêlîkê hêj bêdeng e û tu fişarê bikar nayine. ”
Gotina xwe berdewam kir û got: “di vê sala heftan de ne artêş ne ewlekarî ne dezgeh û ne dewlet maye, û rêjîm 22% ji xaka Sûriyê jî kontrol nake”, û tekez kir ko desthilat li Sûriyê ne rêjîm e, lêbelê milîtanên bi ser Îran û Rûsya ve ne.
Elherîrî got Tehranê beşdariya rêjîmê di operasiyonên wêrankirin û koçberkirin û guhertina dîmugrafî û dorpêçkirinê de kiriye, bêtir got ku li gora vê yekê “Îran xerabiyê dike û ew parek ji arîşeyê ye û ne parek ji çareseriyê ye.”
Elherîrî di hevdîtina rojanevanî ya îro pêncşembê de bal kêşand ser ko Îranê beşdariya desthilateke nerewa di pêkanîna kuştaran de kiriye, û bi dehên hezaran şervan bo cenga li dijî miletê Sûrî jê re şandine, û got “ew kirdeyên mezhebî dike tako parçebûnê di navbera pêkhatiyên Sûrî de çêbike û bi şêweyekî kartêker tiroristiya reş dike.”
Elherîrî diyar kir ko aramiya çi şerê Artêşa Azadli dijî rêkxistina Daişê ne di berjewendiya rêjîmê de ye, û dibîne ko serkeftina wê li dijî Daişê ew serkeftinek e li ser hêzên bi rêjîmê ve girêdayî ne û yên pişgiriya wê dikin.
Bêtir got ko çi pêşveçûna li dijî Daişê ji aliyê şoreşgeran ve, perdê ji ser rêjîmê dide alî, rêjîma ko diyar dike ko ew hêza bi tenê ye ya ku li dijî tiroristiyê şer dike. Û tekezî li ser giringiya cengên li Hawizê Yermûk an li ser sînorê Îraqê an yên li bakurê rojhilatê Sûriyê kir.
Her weha serokê şanda danûstandkar tekez kir ko Hêzên Sûriya Dîmuqrat li gor dîtina me ew “hêzin tiroristin, wek Daiş in ”, û destnîşan kir ko van hêzan tawankarî kirine û milkê xelkê ji wan standine û binpêkirin û koçberkirin derheqê xelkê de kirine û xelk di bin êşkenceyê de kuştine.
Û daxwaz ji civaka navdewletî kir ko piştgiriya hêzin azad û niştimanperwer yên ko li ser xakê hene û ji milet têne pejirandin bike, yên ku daxwazên milet pêk bînin û operasiyonê rizgarîkirinê dikin. Baldêrî da ser ko serkeftinên Hêzên Sûriya Dîmuqrat aramiyê çênakin û çareserkirina siyasî pêk naynin û hêviyên miletê Sûrî misoger nakin bi taybetî ko ev hêz bi hêzên neniştimanî û bi taybetî bi Partiya Karkerên Kurdistanê ve girêdayî ne.
Jêder: Nivîsgeha Ragihandinê ya Hevbendiya Niştimanî
