Nesir Elherîrî, endamê desteya siyasî û sikirtêrê giştî yê berê yê Hevbendiya Niştimanî ya hêzên şoreş û rikberiya Sûriyê, tekez kir ku destêwerdana Rûsiya hat ji bona palpiştiya hêzên Beşar Esed û nehêlana ketina wan, tevî alîkarîxwestina wî ji hêzên rêjîma melayên Îranê, û piştgiriya hêza pasdaran û mîlîşrên tayifeperist û çeteyên din jê re.
Ev yek hat di sîmanereke hevpeyvînî de li ser enternêtê, êvara duhî duşemê, li jêr navê “Xweragiriya Gel û Şoreşa Sûriyê Gerantî ye Bo Têkşikandina Dijminan”, bi pişikdariya heryek ji eqîd Ebdulcebar Eligêdî fermandarê berê yê Encûmena Leşkerî ya Şoreşgerî li Helebê, û bi beşdariya Sinaberq Zahidî.
Elherîrî cext kir ku Rûsiya dijmin siyaseta qada şewitî bikar tîne,û hemû şiyanên xwe yên serbazî bi kar anîne ji bona bidestxistina hin destkeftan li ser zemînê, û bal kişand ku hêzên Esed nikarin carek din zemînê kontirol bikin, û hêza li ser zemînê bitenê hêza pasdarên Îranê ye, tevlî bi kêmayî mîlîşên 40 rêxistînî , tevî mîlîşiya Hizibulaha terorîst in.
Elherîrî bal kişand ku Rûsiya di Jînêv de cihan xapand ku ew xwedî destpêşxerî ye, û erênî ye derbarê piroseya siyasî, lê tev ji bona veşartina tawanên firokên wê bûn, yên li dijî sivîlên Sûriyê, bi behaneya dijberiya DAÎŞê.
Elherîrî xuya kir ku îro hemû dizanin ku bêhtir ji 90℅ ji êrîşên wê li dijî navçeyên di dest şoreşgeran de ne, û ew dijî bazargehên gelêrî û xwendingeh û kamp û nexweşxane, û avahiyên nişteciyan tên encamdan.
Sikirtêrê giştî yê berê yê Hevbendiya Niştimanî bal kişand ku bizavên hêzên Esed digel yên DAÎŞê û yên pasdaran û yên mîlîşên partiya “PYD”ê bûne yek ji bona bidestxistina hin destkeftên li ser qadê li dijî şoreşgeran ji bona guhertina terazûyan di sûdeya berjewendiya rêjîma Esed û bihêzkirina helwesta wê di danustandinên Jinêvê de.
Elherîrî dîsa dupat kir ku xwerageriya şoreşgeran xwerageriyek qehramanî û dastane ye, ku karîn efser û serbazên pasdar û pasîc bikujin, û xuya kir ku hin zanyarî dibêjin ku bêhtir ji1500 çete û pasdar û ji çekdarên mîlîşên tayifeperist her ji destpêka sala 2016 an ve li Sûriyê hatine kuştin.
Jêder: Hevbendî