Serokê Hevbendiya Niştimanî ya Sûrî Salim Elmislit, bi rûsipiyên bajarê Qibasîn re li gundewarê Helebê civiya, û li pirsgirêkên wan û rewşa jiyanê û ya ewlehî û xizmetguzarî li bajêr guhdarî kir, û ji wan re şiroveyek li ser pêşhatên siyasî di dosyaya Sûriyê de pêşkêş kir.
Û di hevdîtinê de Sekretêrê Desteya Siyasî Ebdilmejîd Berekat û Hevrêzkarê Hevbendiyê li deverên rizgarkirî Necîb Rehmûn amade bûn.
Û Elmislit tekezî li ser pêwîstiya hevkariyê li gel Hikûmeta Sûrî ya Demkî û Encûmenên Xwecihî ji bo çakkirina xizmetguzariyan û başkirina rewşa jiyanê û ya ewlehî li deverê kir.
Û Elmislit cextî li ser redkirina Hevbendiya Niştimanî ji çi hewldana bo biserxistina rijêma Esed an nêzîkbûna ji rijêmê kir, û bal kişand ser ku ev rijêm kirêttirîn tawan dermafê gelê Sûriyê di riya bikaranîna curbecur çekên qedexekirî li ser asta navdewletî pêk anîn, û gelê Sûrî bi çi awayî be rijêmê napejrîne.
Û Elmislit diyar kir ku rijêma Esed her tişt ji dest daye û nikare çi tiştî ji bilî hinartina terorê û keresteyên hişbir pêşkêş bike, û dê rolekî wê ya mezin di têkbirina ewlehî û aramiyê li deverê de hebe.
Û Elmislit xoragiriya gelê Sûriyê û rijdiya wî li ser çûna berve pêşde û pêkanîna daxwazên azadî û rûmet û demoqrasiyê, tevî hemû kuştin û tawan û awarebûna ku zêdetir ji 12 salan de bi serê sûriyan tê, bilind nirxand. Jêder: Ofîsa Ragihandinê ya Hevbendiya Niştimanî ya Sûrî
