Serokê Hevbendiya Niştimanî Salim Elmislit, helwesta vê dawiyê ya dewleta Qeterê ji rijêma desthiladar li Sûriyê û rijdiya wê li ser çareseriyeke dadane ji doza Sûriyê re li gorî biryarên navdewletî û di pîşî de biryara 2254an bilind nirxand.
Û Serokê Hevbendiyê di twîteke xwe de li ser malpera Twitterê got: “Dewleta Qeter a bira piştgirî û rawestana xwe li gel gelê Sûriyê û daxwazên wî çesipandiye” û bal kişand ser ku “gelê Sûriyê û hêzên şoreşê helwesta Serokwezîrê Qeterê Şêx Mihemed kurê Ebdulrehman Al Sanî yê ku têde tekez kiriye ku welatê wî dostê gelê Sûriyê ye û pirsgirêk bi yê ku vî gelî bombebaran dike re ye bilind dinirxîne.”
Û Elmislit got: “Dewleta Qeterê helwesta xwe ya rûmetdar li hember gelê Sûriyê ji prensîpeke sincî û biratî tê, û ev yek cihê rêzgirtin û spasiya gelê Sûriyê ye, ji ber ku piştgiriya siyasî û mirovî ya dewleta Qeterê ji doza gelê Sûriyê ya rewa re kêmasî têde tunebû.”
Û Elmislit bal kişand ser ku helwestên rûmetdar ên dewleta Qeterê ne di vê kêliyê de afirîne, lêbelê rola wê ya bingehîn û girîng vedigere destpêka astengiya gelê Sûriyê, ji ber ku Qeterê di têkoşîna ji bo bidestxistina azad, rûmetê û dadweriyê de li kêleka gelê Sûriyê bû, û di têvedana civaka navdewletî û erebî ber bi cîbicîkirina biryarên Encûmena Ewlekariyê û di pêşî de herdû biryarên 2118 û 2254 beşdar bû.
Û Serokwezîrê Qeterê Şêx Mihemed kurê Ebdulrehman Al Sanî duh, Pêncşemê li Dewhaya paytexta Qeterê di kongirekî rojnemevanî yê hevbeş de li gel Serokwezîra Fransayê Catherine Colonna, tekez kir ku “ti helwesteke me li dijî Sûriyê nîne, lê Pirsgirêka me li bi rijêma ku desthilatdariya wê dike re ye, em dixwazin ku Sûrî bigihin çareseriyeke dadane û em piştgiriya çareseriyeke siyasî ya berfireh a gelê Sûriyê jê razî be, û li gorî biryara 2254 di hemû aliyên wê yên mirovî û siyasî de be dikin “.
Û Al Sanî di kongirê rojnamevanî yê hevbeş de cext kir ku Dewha piştgiriya hemû hewlên ji bo gihîştina çareseriyeke mayînde û berfireh li Sûriyê dike, û daxwaza çareseriyeke mayînde li ser bingeha biryarên Encûmena Ewlekariyê ya Navdewletî kir.
Jêder: Ofîsa Ragihandinê ya Hevbendiya Niştimanî ya Sûrî
