Serokê Hevbendiya Niştimanî ya Sûrî Salim Elmislit li ser lidarxistina yekemîn kongirê cîhanî yê derbarê qurbaniyên terorê ji aliyê Netewên Yekgirtî ve yê di çend rojên berê de, got ku Hebûna rijêma Esed di kongir de û dana cihekî jêre daku li ser terorê biaxive, şermeke dîrokî ye ji civaka navdewletî re, û rêznegirtin e ji mirovahî û dadweriya navdewletî re her weha ji bimilyonan Sûrî re yên ku bûne qurbaniyên terora rijêma Esed û hevalbendên wê ji yanzdeh salan de.
Û Elmislit got ku xwedî-derneketina navdewletî li gelê Sûriyê hişt ku temenê derdeseriyên ku gelê me têre derbas dibe dirêj bibe, ew jî dema ku hişt tawankarê cengê yê ku çekên kîmawî dijî sivîlan bikar aniye li ser desthilatê bimîne, tevî belgeyên ku pêkanîna tawanan ji hêla rijêmê ve piştrast dikin.
Û Serokê Hevbendiya Niştimanî cext kir ku rijêma Esed nûneratiya miletê Sûrî nake, lêbelê ew nûneratiya çete, milîs û dewletên dagîrker ên ku ji bo kuştina gelê Sûriyê yê azadî xwestiye dike, û got ku ev rijêma ku gelê Sûriyê kuştiye û kuştina gelê Okranya erê kiriye, divê bo dadgehên navdewletî were veguhestin, ne ku di civatên navdewletî de biaxive.
Û Elmislit tekez kir ku divê Netewên Yekbûyî zanibe ku rijêma Esed tenê lîstokek e di destê Rûsiya û Îranê de, û tiştên ku di civînên navdewletî de dibêje tenê nûnertiya tiştê ku Rûsiya û Îranê yên ku fermana axaftinê danê dike.
Jêder: Ofîsa Ragihandinê ya Hevbendiya Niştimanî ya Sûrî
