Serokê Hevbendiya Niştimanî ya Sûrî Salim Elmislit, tekezî li ser giringiya rola erebî ya kartêker ji bo gihiştina çareseriyeke siyasî li Sûriyê kir, daku daxwazên gelê Sûriyê di azadî û demokrasiyê de pêk bîne, û cextî li ser pêwîstiya ku bandora erebî li ser dosya Sûriyê mezintir û bi bandortir bibe kir.
Û Elmislit di hevpeyvîneke taybet de li gel malpera “El-Erebî 21”, got ku gelê Sûriyê hîn jî li benda pêngaveke Erebî ya bibandor e di vî warî de, nemaze ku ji bilî aliyên sincî û mirovî di dosya Sûriyê de, berjewendiyên dewletên erebî û yên gelê Sûriyê di rizgarbûna ji rijêma tawankar de dighên hev, ew rijêma ku dever di bin barê bazirganiya keresteyên hişbir û qaçaxiyê de hiştiye, û Sûriya kiriye platformeke Îranê ya ku gefê li hemû dewletên deverê dixwe, ji bilî piştevanîkirin û komkirina gelek milîsên mezhebî û terorist yên ku çawa gelê Sûriyê dikujin hemû birayên Ereb jî dixin bin gefê de.
Û got ku piştgirîkirina veguhestina siyasî dê Sûriyê vegerîne nav derdora wê ya erebî, û amaje bi wê yekê kir ku nebûna destpêşxeriya erebî ta niha, bi sedema nebûna lihevkirina erebî li ser Sûriyê ye.
Û Elmislit careka dî tekez kir ku Hevbendiya Niştimanî piştgiriya her destpêşxeriya ku bikaribe çareseriyekê ji bo rizgarkirina gelê Sûriyê ji stemkarî û terorê bibîne dike, û diyar kir ku Hevbendiya Niştimanî bi erênî bi hemû pêşniyarên navdewletî re dide û distîne, ji destpêşxeriya Kofî Enan û piştre daxwiyaniya Cinêvê de bigir ta bighêje biryara 2254.
Û bal kişand ser wê yekê ku Hevbendiya Niştimanî di hemû kongir û destpêşxeriyên navdewletî yên ku bi armanca çareseriyê hatibûn pêşkêşkirin amade bû, û cext kir ku pirsgirêka rasteqîn ne di pejrandina destpêşxeriyên nû de ye, lê divê em her dem li ser tiştekî ku weke rojê diyar e biaxivin, ew jî ku rijêma Esed tawankar û terorîst e û guhertina wê pir dijwar e, û ti destpêşxerî bi rijêmê re bi ser neketin, û gavekê jî ber bi çareseriyê ve neçûn, û hevalbendên wê hene ku ne kêmî wê xwînrêj û serhişk in û piştgiriya wê dikin, û dît ku ev yek bi xwe bingeha pirsgirêk û astengiyê ye.
Û tekez kir ku Hevbendiya Niştimanî bi daxwazên gelê Sûriyê ji bo azadî, rûmet û rizgarbûna ji rijêma Esed û sembolên wê pabend e, û got ku her çareseriyek van xwestekan pêk neyne, hêvî pêve nayên girêdan, û berdewam kir û got ku em hewldanê bo pêkanîna veguhastina siyasî li gorî biryara Encumena Ewlekariyê 2254 yaku bi lihevkirineke navdewletî biryar pê hatiye dan dikin.
Û Elmislit piştgiriya hin dewletên erebî ji vegerandina rijêma Esed li ser kursiyê Sûriyê di Komkara Erebî de re, piştî hemû tawanên ku wê dijî gelê Sûriyê pêk anîne şermezar kir, û tekez kir ku çi dewletek ku peywendiyên xwe bi rijêmê re asayî bike, dê ziyanê ji nîyet û ejindeyên Îranê yên ku rijêma Esed wan pêk tîne, bibîne.
Û Elmislit dît ku danîna berjewendiyin pêşbînkirî li pêşiya pirensîpên mirovî û erkên sincî biryareke şaş e, tevî ku tiştek li bal rijêma Esed tune ye ji bilî qeyranan û keresteyên hişbir û milîsan, û bal kişand ser ku tiştên li ser sînorên Urdinê diqewimin nîşana wê yekê ye.
Û Elmislit cext kir ku êdî ne veşartî ye ku rijêma Esed bûye amûrek di destê Îranê de, û cîbicîkara pirojeya wê ya kîndar e, yaku gef e ji welatên bira re, û diyar kir ku karê ku ew dike ji bo xizmeta rijêma berfirehîxwaz a Tehranê ye, yaku xwe dispêre kiryarên terorîstî û wêrankirinê di riya milîsên xwe yên mezhebî yên kîndar re, yên ku li gelek dewletên erebî belav dike, daku ewlehî û aramiya wan têk bibe.
Û Elmislit tekez kir ku sedema wêraniyê li Sûriyê rijêma Esed e, û ew di ber wêrankirina vî welatî de berpisyar e, û derketina ji rewşa aloz bi hebûna vê rijêmê re nepêkan e, û dît ku nayê pejirandin ku cihek ji bilî dadgehên navdewletî ji tawankarê ku çekên kîmawî dermafê sivîlan bi kar anîne û bi hezaran tawanên din pêk anîne re hebe.
Jêder: Ofîsa Ragihandinê ya Hevbendiya Niştimanî ya Sûrî
