Serokê Hevbendiya Niştimanî ya Sûrî Salim Elmislit, bi helkefta sala nû ya 2023an, gotarek televizyonî arasteyî gelê Sûriyê kir, têde hêvî kir ku ev sal bibe sala xêr û xweşiyê ji Sûriyê û gelê wê re, û bibe sala jinavbirina teror û stemkariyê û guhertineke ber bi Sûriya ku xewna tevaya ye pêk were, û her kes di azadî û rûmet û ewlehî û aştiyê de bijî, û xêr û aştî li tevaya cîhanê belav bibe.
Û Elmislit tekez kir ku Hevbendiya Niştimanî ya Sûrî pabendiyê bi pirensîpên gelê Sûriyê û şoreşa wî dike. Û şanaziya xwe bi vî gelê mezin anî ziman. Ew gelê ku bi dengê xwe meydanên azadiyê, ji bakurê Sûriyê yê rizgarkir heta Casim û Elsenemên û Siweyda li başûr, tijî kirine, û tekezî li ser giyanê şoreşê û pabendiya bi pirensîp û daxwazên wê kirine. Û got ku Hevbendiya Niştimanî pabend e bi rêbaza xelkê Sûriyê û daxwazên wan ên azadiyê û vegera welat, û dê asta welatparêziya Hevbendiyê ji ya wan kesên dengê xwe li meydanan bilind dikin nekêmtir be.
Û Elmislit tekez kir ku rijêma Esed rijêmeke qirkirinê ye, bi hezaran tawanên cengê û komkujî li dijî gelê Sûriyê yê bêçek pêk anîne, û ew rijêmeke nerewa ye, û xwe spartiye wêrankirin, kuştin û koçberkirinê wek rêbazekê, û tekez kir ku felat û rizgariya gel bi rizgarbûna wan ji vê rijêmê ye.
Û Elmislit bal kişand ser ku Tirkiye ji destpêka şoreşê ve xwedan helwesteke mezin e derbarê miletê Sûriyê, ji ber ku Tirkiyê bi milyonan koçber hembêz kirine, û her dem piştgiriya Sûriyan û saziyên wan kiriye, û di heman demê de ewlehiya wê û ya gelê wê jî heye, û parastina wan erkê wê ye. Û got ku di hemû hevdîtinên bi berpirsên Wezareta Derve ya Tirkiyê re û ya dawî duh bi Wezîrê Derve Mevlut Çavuşoglu re, aliyê tirk tekezî li ser piştevaniya xwe ji doza gelê Sûriyê re kirin, û gotin ku ew dest ji daxwazên sûriyan bernadin, û pabendbûna xwe bi piştgirîkirina Hevbendiyê û saziyên wê û riya siyasî li gor biryara 2254 û karkirina di çarçoveya wê de diyar kirin, û ev yek tekez dike ku ti guhertin di helwêstan de tune ye û ti kesî behsa asayîkirina peywendiyan û lihevhatinê nekiriye.
Û Elmislit berdewam kir û got ku dewletên bira û dost li gel miletê Sûriyê û doza wî ya rewa xwedan helwest in, û em spasiya xwe ji wan re radigihînin, û em di hestên wan dighêjin, û têdigihên ku derdeseriya yazdeh salan êşeke dirêj e û divê bi dawî bibe, lê em tekez dikin ku ger li gorî dîtina wan yanzdeh sal in, zehmetiya wan ji gelê sûriyê re her salekê bi deh salan e.
Û Elmislit bal kişand ser wê yekê ku her dewletek maf û biryarên wê hene, lê di heman demê de Hevbendiya Niştimanî pirensîpên wê yên niştimanî hene, yên ku ji berê de û ta niha, rênimaya karê Hevbendiyê û karê her sûriyekî azadîxwaz e, û ew tişt nayê guhartin, û çendî rewş an helwest bên guhertin jî ew rêça şoreş û rûmetê bernadin.
Û Elmislit tekezî li ser pabendbûna bi çareseriya siyasî weke bijardeyeke stratejîk kir, ji ber ku Hevbendiya Niştimanî beşdarî di piroseyeke danustandinan di bin sîwaneke navdewletî ya rewa li gor biryarên navdewletî yên pêwendîdar, wek daxwiyaniya Cinêvê ya sala 2012an û biryarên 2118 û 2254 de kiriye, û hevalbendên wê piştgirî danê û hîn jî berdewam in. Û bal kişand ser ku tevî derbasbûna deh salan di ser vê pabendbûna bi pirosesa siyasî re, rêjîmê ji berepêk û astengiyan û necedîbûnê pêve tiştek pêşkêş nekiriye, û dê ev encama danûstandina çi dewletekê pê re be.
Û Elmislit tekez kir ku rijêma Esed ya hîlebaz ti carî nabe çavkaniya ewlehî û aramiyê li deverê, û ev rijêma nerewa ya kuştin, wêrankirin, koçberkirinê, û jêdera terorê û keresteyên hişber, tiştekî nade.
Jêder: Ofîsa Ragihandinê ya Hevbendiya Niştimanî ya Sûrî