Berdevkê desteya bilind ya danûstandinan Salim Elmislit dibîne ku”ecindeya rasteqîne divê bi desteyeke desthilata veguhêz bi hemî karûbaran bêyî rola Esed têde hebe dest pê bike, û gengeşeya destûrê paşre tê”, û tekez kir ku gengeşeya destûrê an serastkirina wê di danûstandinên Cinêv ên niha de berî gengeşekirina qûnaqa veguhestina siyasî, “tiştekî bê encame”.
Û Elmislit bi xurtî tekez kir ku ” Desteya Veguhêz ya ku ji alîyin hundirê welat û hin ji rêjîmê yên ku destên wan bi xwîna sûriyan nebûye û ji Rikberiyê wê pêk bê, karê wê ew e, vexwendin û daxwazkirina kongireyekî niştimanî yê giştî ku wê komeleke damezrêner jê derbikeve, û ew e ya ku destûra sûrî deyne”.
Û weha jî got:” destûr ji Sûriyan re ye, û ji Sûriyan tê xwestin, û tu kes ji bilî wan li tu deverên din nikare destûrê deyne, û tu aliyên din nikarin gengeşeyê li ser bikin, lê belê gelê Sûriyê ew e yê wê gengeşeya wê bike”.
Û axaftin berdewam kir û got ku” armanca me niha rizgarbûna ji kabûsê rêjîmê ye, û dabînkirina jiyana Sûriyan e, û vegera kesên koçber bûne, û sivikkirina barên dewletên cîran, divê bar sivik bibin, û dema Sûrî li Sûriyê bin, wê çaxê wê destûr bê gengeşekirin, lê erkê me niha gengeşekirina veguhestina siyasî ye”.
Û Elmislit got: “em rijd in der barê xizmetkariya gelê Sûriyê, yê ku babetî destûreke nû ye, ya ku mafê hemû pêkhateyan têde garantîkirî be, lê gelê Sûriyê berî her tiştî babetî veguhestineke siyasî ye, da ji bobelat û tewankariyê û diktatoriyetê û terora ku rêjîmê û Îranê ew anîne Sûriyê rizgar bibe, tevlî giringiya destûrê , lê berî wê gaveke giringtir û mezintir heye, ewjî pêkanîna desteyeke desthilata veguhêz e, û ew e ya ku van baran hilgire”.
Û bi zelalkirinê berdewam kir: “gera niha ya behskirina vegustina siyasî ye, û çi tiştên din wendakirina demê ye, û ev ta niha gera sêyemîn e, divê bi gengeşekirina desteya desthilata veguhêz ya bi hemî karûbaran dest pê bibe, şandeya Rikberiyê ji vê yekê re amade bû, û şanda danûstandinan nerîna xwe li ser qûnaxa veguhêz pêşkêş kiribû”.
Û Elmislit bal kişand ser ku” hebûna wan niha li Cinêvê ji bo dîtina vê qonaxa veguhêz û dîtina destpêk û bizava wê ye, ji ber ku ew zanin ku ew danûstandinê bi rêjîmekê re dikin ku herûher berepêkan dide, ew naxwaze guhertin li Sûriyê pêk were, lê belê wendakirina demê dixwaze, û ew e ya ku şandeya Rikberiyê ji bo wê hatiye, û wê di vê gerê de bimîne ji bo gengeşekirina desteya desthilata veguhêz û çarenûsa Esed”.
Û Elmislit ret kir ku behsa pîlana berdêl bike, eger danûstandin têk çûn, û wiha diyar kir:” em naxwazin behsa pîlana (B) bikin, lê leşker ew çaktirîn kesên ku behsa vê mijarê bikin, emê behsa pîlana (A) ya ku em niha têde ne bikin, em hêvî dikin ku çareseriya siyasî li Sûriyê were, lê eger em gihiştin rêçeke girtî, wê çaxê gotina şoreşgeran li Sûriyê heye, û em bihêvîne ku dewletên dost li kêleka gelê Sûriyê bimînin ta dawîyê”.
Jêder:Hevbendî + Anadol
