Serokê Hevbendiya Niştimanî ya Sûrî Salim Elmislit, xweşhaliya xwe bi daxwiyaniyên şahê Siûdiyê Selman Kurê Ebdulezîz derbarê Sûriyê di axaftina xwe ya taybet bi siyasetên navxwe û derve di dema destpêkirina karê sala sêyem ji xula heştemîn ya Encumena Şûra anî ziman, û têde tekezî li ser pabendbûna Erebistana Siûdî bi biryarên navdewletî yên taybet bi Sûriyê kir, bi awayekî ku serwerî û aramî û erebbûna wê biparêze.
Û Elmislit cext kir ku welatê wî berevanî di ber gelê Sûriyê de kir, û di rewşên dijwar de li kêleka wî rawestiya, û di hemû şêweyên piştevaniyê de bo pêkanîna daxwazên wî yên di azadî, rûmet û demokrasiyê de dudilî tunebû.
Elmislit bal kişand ser rola girîng û sereke ya Erebistana Siûdî di kartêkerkirina proseya siyasî û hevkarîkirina ku civaka navdewletî û ya erebî ji bo cîbicîkirina biryarên Encûmena Ewlekariyê û di pêşî de biryarên 2118 û 2254 bibe.
Û tekezî li ser rola wê ya girîng di rûbirûbûna derbasbûna leşkerî û siyasî ya Îranê û pirojeya xerab a ku bi rêya wê hewl dide ku tevna civakî ya Sûriyê û navçeyê ji ber hev bixîne.
Elmislit bal kişand ser giringiya berdewamiya Erebistana Siûdî di helwesta xwe ya dûrkirina rijêma Esed ji desthilatê de, û tevlênebûna rewakirin an nûjenkirin an pejrandina wê di Komkara Erebî de, ji ber ku rewatiya wê tuneye û nûneratiya Sûriyê û gelê wê nake.
Jêder: Ofîsa Ragihandinê ya Hevbendiya Niştimanî ya Sûrî
