Endamê Hevbendiya Niştimanî ya hêzên Şoreş û rikberiya Sûriyê Qasim Elxetîb red kir ku wî bixêrhatina destdirêjiya Rusiya li ser Sûriyê kiriye, û got ku “her hevwelatiyekî bi rûmet vê destdirêjiyê qebûl nake, ya ku biarmanca bihêzkirina rêjîma Esed ya ku şikestin û dawiya wê nêzîk bibû li ser destên şoreşgeran hatiye “.
Elxetîb di daxuyaniyek taybet de destdirêjiya Rûsiya li ser gel û şoreşa Sûriyê şermezar kir, û daxwaz ji Civaka Navdewletî kir “ku xemsariyê neke li hember vê destêwerdana eşkera ya ji bona piştgiriya rêjîmeke bêdad û nerewa, piştî kuştina bisedhezrên sivîlan û armanckirina perestgeh û xwendingehên zarokan û nexweşxaneyan”.
Elxetîb diyar kir ku li pêş du rojan li Qahîre çavpêketin bi şanderê serokê Rûsî yê taybet bo rojhilata navîn Mîxaîl Boxdanof kir û jêre got ku firokên Rûsiya komelgehên nişteciyan û pêgehên Artêşa Azad yên li ser hêlên rûbirûbûna rêxistina DAÎŞê bombebaran dike, ku evjî bûye sedemê pêşketina DAÎŞê li gundewarê Helebê, û bûye sedem ku pêla koçberiyê ber bi Ewropa zêdetir bibe”.
Herwiha Elxetîb hişyarî da li ser berdewamiya êrîşên Rûsiya “ku wê bibe sedema hatina hejmarên mezin ji çeteyên terorîst bo Sûriyê û wê rê xweş bike li pêş Îranê û mêlîşiyên tayîfeperist yên wê ku pêgeh û zala xwe li ser Sûriyê zêdetir bike”, û got min ji Boxdanof re tekez kir ku opozisyona Sûrî bi hemû aliyên xwe ve pabend e bi daxuyaniya Jinêv û bi biryarên Encûmena Ewlekariyê, û herwiha ew rijd in li ser redkirina hebûna Bişar Esed di her piroseyeke veguhestinê de yan di paşeroja Sûriyê de .
Jêder:Hevbendî