Cîgirê Serokê Hevbendiya Niştimanî Sûrî Hişam Merwa pesnê ” Lehengiya leşkerî û destanên canfîdayê ku şoreşger û qehremanên Artêşa Azad li ser xaka Sûryayê ji Horan û Xûta li Başûr, ta banê Sûryayê li Gundewarê Helebê li Bakur, dijî dagîrkerên Iranî û tirora Esed dinexşînin” da. Merwa tekez kir ku ” Endamên Artêşa Azad ji ber baweriya wan bi kêşe û rizgarkirina welatê xwe, dikarîbûn tevlî kêmbûna cebilxaneyan, êrîşên berdewam ên hêzên Pasvanên Şoreşgerî ên Iranî û hêzên Esed li Horan û Gundewarê Helebê ên Bakur û Xûta Şamê di çend rojên bûrî de vegerînin, û bi sedan ji milişiyên regezperist ên ku piştgiriya hêzên Esed di şerê wî yê kirêt dijî milletê Sûrî de kuştin”. Cîgirê Serokê Hevbendiyê tekez kir: ” Rejîmek mîna ya Esed û piştgirên wî ji dewlet û milişiyan ji bilî xedrê li rex wan tune ye, di dirêjahiya çar salan de jêrxaneya hemû bajarên Sûrî wêran kirin, xelkên wan derbider kirin, û bêtir ji 300 hezar sivîlî kuştin”. Merwa wisa berdewam kir: ” Di dema ku rejîma Esed erêkirina xwe li ser agirbesteke demkî û bumbebaran û wêrankirina Helebê radigihîne, em dibînin ku hêzên xwe lê pirtir dike, û hewl dide hindek dever li Gundewarê Bakur dagîr bike ta dorpêçkirina xwe li ser Helebê tevî ferz bike”. Merwa tekez kir: ” Hebûna Pasvanê Şoreşgerî xweş diyar bûye û li Başûrê Sûryayê û Bakurê wê eşkere ye, ev yek dagîrkirinek beloq e ji Sûryayê re, û binpêkirinek ji belgeyên navdewletî re ye “. Cîgirê Serokê Hevbendiyê ji Encumena Ewlehiyê xwest: ” Biryarekê bide bo rejîma Iranî mecbûr bike ku hêzên xwe yê leşkerî ji tevahiya xaka Sûriyê vekişîne” û tekez kir ” Asoyê çareseriya Siyasî li Sûryayê bi hebûna dagîrkerên Iranî û Milişiyên mezhebperest ên kujer ku piştgiriya wan dikin venabe “.
jêder: Hevbend
