Bedir Camûs; endamê desteya siyasî û herwiha sikirtêrê giştî yê pêştir yê Hevbendiya Niştimanî mixabiniya xwe ya mezin anî ziman, li ser têkşikestina berdewam ya Civaka Navdewletî bo dîtina çareyekê ji penaberên Sûrî re yên çarenivîsên wan bi xenqandinê ve di ava derya Sipî de hatiye girêdan, herwiha Camûs dupat kir ku bobelateke mirovahî nû bi serê Sûriyan de hat, bi mirina nekêmtir ji 900 kesan ku piraniya wan xelkên Sûriyê ne bi hewldana çûna Ewropa bi dûrahiya 111k.m ji peravên Lîbiyayê.
herwiha Sikirtêrê giştî yê berê bangawaziyek lezgîn da Civaka Navdewletî bo hilgirtina erk û berpirsyaretiyên xwe yên zagonî li hember miletê Sûriyê û bidawîkirina qeyrana penaberên Sûrî û dîtina riyên rewa û yasa bo veguhestina wan bo navçeyên tenahên demkî û rê li pêşiya bazirganiya bi bobilata wan bêne girtin, heta ku carek din vegerin welatê xwe.
Camûs; berpirsyaretiya her tişta bi serê Sûriyan tê di hindur û li derveyî welat û di binê deryanan dejî, xiste stûyê rêjîma Esed, ji ber ku wê şer li dijî gelê azadîxwaz ragihandiye û herwiha bermîlên teqîner û çekên kêmyawî bikar anîne, û xelk neçar kirine li ser koç û koçberiyê.
Bi vê bûyerê endamê desteya siyasî sersaxiya kesukarên qurbaniyan kir, û daxwaz ji dewletên diniyê kir bi hesankirina rêşûnên li pêsiya penaxwazan, û herwiha nebin alîkar ji rêjîma Esed re û parastina mirovahî û zagonî bo penaberan bête misogerkirin ligor yasa û rêkeftinên navnetewî.
Herwiha navborî daxwaz ji Yekîtiya Ewropî kir ya niha bi rûdana bûyerê daxwaza lidarxistina civîneke awarte kiriye , bi lêgerîna sedemên serekî yên li pey vê bobilatê yên ku bi mana rêjîma Esed tên girêdan, ku hebûn û mana Esed bûye sedema derdeseriya Sûriyan li her cihî, herwiha daxwaz ji Yekîtiya Ewropî kir bo standina rêşûnên kara û vebir bo parastina Sivîlên Sûriyê û dîtina penagehên tenah bo wan.
Jêder: Hevbendî
