Komîta dûvçûna rastiyan ya pêwendîdara bikaranîna çekên kêmyawî li Sûriyê, di nûtirîn raporta xwe de bikaranîna gaza kilorê li dijî sê gundên bakurê Sûriyê, ya hatî encamdan di navbera meha nîsan û tebaxa sala bûrî de û bû egera şehîdbûna 13 kesan, xiste stûyê rêjîma Esed de.
Ku raportê di lêkolîna xwe de piştbestin bi dîtina 32 kesan ji hejmara 37 kesên hevdîtin digel wan hatine kirin kiriye, yên bi çavê xwe dîtin yan bi guhên xwe dengê hilîkopteran bihîstin dema êrîş bi avêtina bermîlên teqîner yên tije bi keresteyên jehrîn kirin, ku bi awayekî berçav rêjîma Esed tête gunehbarkirin ji ber ku ew bitenê xudanê van alavan e.
Hadî Elbehra endamê desteya Siyasî û Serokê berê yê Hevbendiya Niştimanî bi erênî pêşwazî li biryara Encûmena cêbicêkara Rêxistinê kir ya rêjîma Esed bi bikaranîna gaza kilorê li dijî sivîlan gunehbar dike, û di heman demê de rexne li rola nerêrî ya rêjîma Iranê kir ya rêgirî li derxistina biryarên wek vê dikir, ew helwîstên ku rolal wê di piştgiriya kuştinê li Sûryayê dupat dike.
Elbehra got ku di dema ku Cîhan tev mijûle bi tawanên hovane yên rêxistina DAÎŞê ve, di heman demê de hêzên Esed berdewamin di siyaseta sizakirina bikomel de li dijî Sivîlên Sûriyê, û biryarên Encûmena asayîşta Navdewletî yên pêwendîdar binpê dike.
Herwiha Elbehra daxwaza rawestandina van êrîşan kir yên bi awayekî rasterast Sivîlan armanc dikin û daxwaza lêpirsîn û sizakirina berpirsan kir.
Hêjaye gotinê ku Serokê berê yê Hevbendiya Niştimanî daxwaznameyek hinart bo Rêveberê giştî yê Rêxistina qedexekirina Çekên kîmawî, têde daxwaza bilindkirina raporta Şanda Şopgeriya Rastiyan bo Encûmena Asayîşa Navdewletî kiriye, herwiha ji bo dupatkirin bête kirin li ser timamkirina Şanda Navnetewî bi erkên xwe yên ji bo jinavbirin û helweşandina karsaziyên kêmyawî yên rêjîma Esed.
Jêder: Hevbendî
