Hîwa Can( Hewlêr ).. Rêxista Elhuda ya mirovahî pêşwaziya form û faylên penaberên Sûrî yên li Hewlêrê dimînin dike, û soza alîkariyê dide wan li gorî ku Şeyma Ebdulwahid rêvebira rêxistinê ji me re diyar kir.
Ebdulwahid nîşan da ku Elhuda alikariya abûrî ji hin kompanî û rêxistinên cîhanî werdigre û karê wan taybet e bi alîkariya jinebî û sêwiyan.
Û piştî zêdetirî salekê ji rawestandina karê xwe rêxistina Elhuda bi rengekî çalak di nav penaberan de dest bi kar kiriye
Her wiha rêvebira rêxistinê eşkere kir ku ta niha nêzî 20,000 form tomar kirine, lê tenê ew Karin alîkariyê bighînin 200 malbatî û ew hewldidin ku ev alîkarî mehane bin , û wan doza avakirina 50 dibistanê kiriye.
Tê zanîn ku rêxistina Elhuda bi biryarekê ji komîta giştî ya Encumana Wezareta Iraqî di 28/12/2011 hatiye damezranin, û alîkariya hêwirandin û belavkirina cil û bergan li ser aware û penaberên sûrî li taxa Zêrên li hewlêrê kiriye .
Jêder: Hevbendî
