Hevbendiya Niştimanî Sûrî doz li Rêxistina Qedexekirina Çekên Kîmawî kir, da dosya Kîmawî bigihîne Dadgeha Tawankariyên Navdewletî , digel belgeyên Hevbendiyê ji wan re pêşkêş kirine yên ku “Rêjîma Esed tewanbar dikin û berpirsên wan tawankariyan siza bikin.”
Herweha Rêkxistinê doz kir ko “xaza kilor jî têxin nav heyberên kîmawî yên ko divê Rêjîm wan radest bike.” Esed ev kar derfet dît û xaza kilor ya jêhrîn li çend herêman û li dijî sivîlan bi taybetî bikar anî.
Hevbendiya Niştimanî kêfxweşiya xwe da xuyakirin bi daxuyaniyên ko ji berpirsên kongirê Rêkxistina Qedexekirina Çekên Kîmawî ya roja Duşemê li Lahay karê xwe dest pê kir, Encêla Kîn nûnera netewên yekbûyî ya karûbarê têkbirina çekan, di gengeşeyan de xwest ko rêjîma Esed programê xwe yê çekên kîmawî aşkere bike û rê bide lêgeran ku bi azadî li herêmên Sûriyê bigerin û derbasî hemû cîgehan bibin, û alîkar be ji bo pêşkêşkirina belgeyan û cebilxaneya çekên kîmawî tevî radest bike.
Hevbendiyê tekez kir: “derengiya Esed di aşkerekirina çekên kîmawî û radestkirina wan de, hişt ko karê komîtan bi derengî bikeve , di pey ko rêjîma Esed ragihandibû ko hemû çekên xwe radest kirine, Firokên wî yên cengî bi xazên kîmawî êrîş dan ser 30 cîgehên li Sûriyê, wek dijberiyeke aşkere ji yasa û civaka navdewletî re.”
Jêder: Hevbendî
