Berdevkê Fermî yê Hevbendiya Niştimanî ya Sûrî Salim Elmislit bang li Komkara Erebî û Netewên Yekbûyî û Wekaleta Onerwa kir, da ko têwirdaneke bilez di Muxeyem Yermûk li Şamê bikin û Rêjîmê neçarî vekirina Rêbuhêrkan bikin. Da sivîlên ko di navbera Hêzên Rêjîmê û Rêkxistina Dewletê (Daiş) de hatine dorpêç kirin biparêzin û nehêlin tawankarî di derheqê wan de bibin.
Elmislit got: “Hevbendiya Niştimanî navtêdana Şoreşgerên ko li Muxeyem di berxwedanê de berdewam in dike, yên ko berevaniya sivîlan dikin û bi pirinsîbên Şoreşê û hêviyên miletê Sûriyê û ji wan jî Felestîniyên Sûrî pabend in”.
Elmislit da xuyakirin ko Rêjîma Esed tolhildanên xwe yên pîlankirî li dijî sivîlan dubare dike.
Evê carê Muxeyem Yermûk amanc kir, derdkêşiya niştecihên Filestîniyên Sûrî bêtir kir û evê dawiyê jî rê daye komekên tirorist yên Rêkxistina Dewletê ko derbasî Herêmê bibin, ev tev ji ber Şoreşger li aniyên şer yên corbicor mehên buhirî bi pêşve çûne.
Berdevkê Fermî yê Hevbendiya Niştimanî ya Sûrî Elmislit bal kêşand ser komekên tirorist ko çawa ew qas Rêbend derbas kirine û derbasî Muxeyyem bûne. Tev ko ev sê sal in Muxeyem Yermûk di bin dorpêçeke pir asê de ye, û Sivîl di rewşeke mirovî ya pir xerab de dijîn.
Jêder: Hevbendî