Bi boneya Roja Cîhanî ya Mafê Mirovan, cîgira Serokê Hevbendiya Niştimanî Nûra Elemîr doz li “Desteyên Sivîl û Mafnas û Çalakvanên li hemî Welatan kir, da piştgiriya doza gelê Sûriyê ji bo pêkanîna dîmuqratiyê bikin” û di daxuyaniyekê de îro got:”cudahiyeke cihê dilsariyê ye, ko bi dehên aliyan piştgiriya Rêjîma Esed û Çeteyên wî bi çek û dirav û helwestên diplomasî dikin, lê piraniya aliyên Civaka Navdewletî bêçare ne ko piştgiriya gelê Sûrî di daxwaza dîmuqratiyê de bikin, tenê bi soz û gotinan piştgiriyê dikin.”
Elemîr bêtir got: “Miletên Cîhanê di 10 Çilê Pêşî de bîranîna Roja Cîhanî ya Mafê Mirovan lidar dixin, di heman çaxê de bi dehan Sûrî ji ber tawankarî û stema Rêjîma Esed jiyana xwe ji dest didin, çimkî destdanîna kotekî li ser desthilatê hişt ko Sûriya bibe cihê nakokiyeke Herêmî û Navdewletî û dergeh li pêş gelek rêkxistinên tirorist vekir” Elemîr ji cîhanê xwest ko “Tiştê mayî ji prinsîbên Mafê Mirovan li Sûriyê biparêzin,”
Li gora Serjimara Toreya Sûrî ya Mafê Mirovan tawankariyên Esed ji destpêka sala 2011an heta nuha 17 hezar Zarok û bêtir ji 15 hezar Jin û 11 hezar Girtî ku bi yasayî hatine belgekirin û bêtir ji 200 hezar Şehîdî hene. Elemîr Cîgira Serokê Hevbendiyê di dawiya daxuyaniya xwe de doz li Civaka Navdewletî kir”da berpirsiyariyên xwe hilgirin ji bo destê Rêjîma Esed ji kuştina Gel vekin, çi malbat nemaye ko bi zordariya rêbazkirî ya ko Rêjîm dike daxbar nebûye, gerek cîhan tev de sînorekî ji tawankariyên konkujiyê re deynin.”
Jêder: Hevbendî
