Emîndarê Giştî Yê Hevbendiya Niştimanî Sûrî Mihemed Yehya Mektebî ji Civaka Navdewletî xwest ku pirsyariyên xwe derbarê girtiyên Sûrî di qebwên girtinê ên tirsnak ku tê de têne girtin hilgire, zextê bi hemû awayan bo berdana wan bike, û parastinek tekûz ji wan re peyda bike.
Nexasim piştî ragihandina nûçeyan li ser yaxiya ji aliyên girtiyên sivîl û yên siyasî û gihiştina ketîbeya bi navê (Parastina Ewlehiyê) tê naskirin.
Mektebî got:” rewşa xirab a li wir û zexta berdewam ku girûpa ewlehiyê a vê dawiyê rêvebirê girtîgehê li wê zindanê pêk aniye nayê texmînkirin. Diyar e berdewamiya işkencê, birçîkirinê, zêdebûna lêdan û işkenceya pîlankirî û rêbazkirî derheqê wan hiştiye ev rewş derkeve holê.
Mektebî berdewam kir : Merov nikare tu pîvana ewlehî û baweriyê bide tu sozên ku rejîm di riya operasyona gotubêjkirinê de pêşkêş dike, ku di navbera girtiyên yaxîkar û wî de dibe, ji ber lîsteya wî bi xiyaneta soz û peymanan dagirtî ye. “.
Mektebî ji hemû rêxistinên pispor xwest ku pirsyariyên xwe hilgrin û di serî de Xaça Sor, ku divê nûnerên wê serdana girtîgeha Hema a Navendî bikin, û li rewşa girtiyan bipirsin,heta bighê Encumena Ewlehiyê ku divê şandên navdewletî serdana girtîgeh û zindanên rejîmê bikin, û lêpirsînê di şêweyê karê rijîmê yê ewlehî û fermanên neyasyî û nerewa derheqê girtiyan de bikin.
Mektebî di bîr de anî ku rejîma Esed bêtir ji 200 Hezar welatiyên Sûrî girtine, zarok, jin, û pîremêr jî di nav wan de hene, pirên wan ji berî 4 salan de di girtîgehên dagirtî de ne, û di rewşin nayên tehmûlkirin de ne .
Hevebndiyê gelek bang û di gelek helkeftan de ji Civaka Navdewletî, û rêxistinên guh didin karubarên azadiyên giştî û mafên mirovan re şandin, lê bê ku tu çare yan alîkariyê ji kesên herî zor li Sûryayê ji destê rejîma Esed li wan hatiye re pêşkêş bikin.
Jêder: Hevbendî