Hevbendiya Niştimanî ya Hêzên Şoreşê û Hevrikiya Sûrî bikaranîna firokên dagîrkerên Rûsî ji Bombeyên goşî re yên xwedan hêza wêrankirina mezin li dijî Herêmên Sivîlan li Helebê û çendîn Bajarok û Gundên Gundewarê wê yê Başûr û Bajarê Dûma li Gundewarê Şamê pirotesto kir.
Hevbendiya Niştimanî doz li Netewên Yekbûyî û Encûmena Ewlekariyê kir, da bombebarana Rûsî pirotesto bike çimkî ew tawankariya cengê ye û tawankariya qirkirinê ye. Çimkî ew hewl dide ko hejmareke pir ji sivîlan bikujin û her weha xwest ku bombebaranê birawestînin û Berpirsiyaran siza bikin.
Hevbendî berpirsiyariya encamên yasayî û tawankarî û wêrankirina giştî ya ji ber bombebarana tund ji aliyê hêzên wê ve dide ser desthilata Rûsî çimkî ew desthilata dagîrker e.
Hevbendî tekez dike ko raportên desthilatên xwecihî bidest xistine û jêderên bijîşkî tekez dikin ko firokên dagîrkerên Rûsî bi dehan Mûşek ko her yekê ji wan li dora 100 bombeyên goşî di wan de hene bi ser taxên niştecihan û Kamp û Bazar û Nexweşxaneyên meydanî de berdane. Di encamê de qurbaniyên sivîl ji nav wan zarok û jin jiyana xwe jidest dane.
Berê jî Rêjîma Esed ev cûreyê çekan yê li gor yasayên navdewletî qedexe ne, hem jî Bermîlên teqîner û çekên kîmawî li çendîn Herêman bikar anîne, ya herî xuyanî bûyera Xûta di tebaxa 2013an de ya di encamê wê de 1507 kes piraniya wan jin û zarok bûn şehîd ketin.
Sala 2008an li paytexta Norwêcê Oslo sed dewletî peymana qedexekirina bombeyên goşî imze kirine, û 1000 kesayetî li ser imzekirinê amade bûn, li gora evê peymanê berhemdana evê bombeyê û bikaranîna wê û bazirganî û hilanîna wê qedexe ye. Peyman kesên li ser imzekirine neçar dike ko alîkariya qurbaniyan bikin eger dewlet bin an kesayetî bin.
Jêder: Hevbendî
