Şanda Hevbeniya Niştimanî bi serokayetiya Hadî Elbehra, pilana şanderê navdewletî “Stîvan Dî Mîstora” digel Samih Şikrî wezîrê derve yê Misrê û Nebîl Elerebî sekertêrê giştiyê Komkara Erebî gengeşe kir, Elbehra li ser pilanê got ku “ew pilan çareseriyek netekûz e, û tirs heye ji rawestandina şer li Helebê ku rêjîma Esed hêzên xwe veguhêze navçeyên din”, û daxwaz ji dewletên Erebî kir ji bo “Hilgirtina erkên xwe li hember bobelata Sûriyê”. herwiha bi wezîrê derve yê Misrê re li ser karûbarên revenda Sûriyê li Misrê û baredoxên qutabiyên Sûriyê yên xwedan bawernameyên bilind gotûbêj kirin, herwiha babetê hevkomkirina xêzanî ya malbatên Sûrî û pêdiviya bilezkirina rêşûnên wê yên yasayî goftûgo kir. Û di heman mijarê de serokê Hevbendiyê berî du rojan tekez kir Ku ” heta niha ne Rûsiya û ne Misr û nejî Dî Mîstora çi destpêşxeriyek nivîskî pêkêş nekirine, lê ew bi tenê giringiyê didin karakirina çareseriya Siyasî û piştgêriya dîyaloga Sûrî-Sûrî dikin”. Herwiha Elbehra tekezî kir li ser ku” Dîyaloga niha di navbera aliyên Sûrî de, ne bi ramana ku em nakokin li ser nêrîn û armanca dawiyê û veguhestina siyasî bo dîmokrasî û piraliyê, hemû yekin li ser vê armancê, lê dibe em nakok bin li ser şêweyê pêkanîna wê, û Hevbendî vekirî ye li ser hemû aliyan û hîç dergehên girtî nînin bo dîyalogê sebaret şêwazên veguhestina Siyasî ya ku tewerê wê yê serekî li ser Helbijartina Komeleyek damezrêner ava dibe û dubarekirina nivîsandina destûrê di kawdanên bêalî û tenah û guncayî de li gor daxwaza Sûriyan, û Em bi Rûsiyan re rêkeftin ku rêkeftina Jinêf1 çarçoveyê danustandinê wek lêvegera dîyaloga Sûrî-Sûrî be “.
Jêder: Hevbendî
