Bedir Camûs, endamê desteya siyasî ya Hevbendiya Niştimanî, oparesyona esmanî ya Rûsiya li bajarê Helebê şermezar kir, ku ev oparesyon hevdem tê digel bizavên şoreşgêran ji bona rizgarkirina zêdetir ji 300 hezar sivîlî ji dorpêçkirinê.
Camûs, îro di daxuyaniyekê de, matmayîna xwe da xuyakirin li hember sûrbûna mana Rûsiya li kêleka dijminê gelê Sûriyê, û sûrbûna wê li ser pêkanîna tawanên şer li dijî milet û herwiha pişkdariya wê digel Esed di dorpêçkirin û kuştina sivîlan de bi çekên corbicor.
Û firokên dagîrkeriya Rûsiya li beyaniya îro, bombebaran li ser kampa Hindirat û Gereka Elcendûl li bakurê Helebê bi zêdetir ji 40 mûşek û bombeyên weşîdar kirin, hevdem digel bombebarankirina kampên penaberan li derdora bajarê Atarib li rojavayê Helebê bi 8 bombeyên weşîdar, û heta niha hejmara şehîdan û birîndaran nehatine hejmartin, ji duhî ve û piştî çend êrîşên Rûsiya li ser Atarib ku têde 7 sivîl hatin kuştin, tevî bombebarankirina barhilgireke sûtemeniyê û keresteyên xwarinê li hinda dergehê rojavayê bajêr.
Ku duhî bi sedema êrîşên firokên Rûsiya û topên hêzên Esed li ser çend bajarên Sûriyê; 93 sivîl di nav wan de 16 zarok û 9 jin hatin şehîdkirin, ku para Helebê 29 şehîd bûn ji encama êrîşên Rûsiya bi mûşek û bombeyên deng û avêtina bermîlên teqîner yên hilîkopterên Esed.
Herwiha firokên Esed duhî bi şev kuştarek li herdu taxên Elmeşhed û Elensarî bi mûşekên dengî pêk anî, û têde 12 sivîl şehîd û bi dehan birîndar ketin, û 10 sivîl li taxa Elsikerî ya dorpêçkirî şehîd bûn û bi dehan birîndar ketin ji ber avêtina bermîleka teqîner, û li aliyek din navendeka pizîşkî ji aliyê firokên Rûsiya ve bi mûşekên deng hat armanckirin û bi carekî jikar ket.
Camûs, daxwaz ji serkirdayetiya Rûsiya kir ku bi kûrahî li siyaseta xwe binere û vegerîne û helwest û siyasetên xwe yên dijminatiya gelê Sûriyê rawestîne, herwiha dest ji kuştina gelê Sûriyê û piştgiriya “terora dewletê” ya di Sûriyê de dibe berde, ku ev yek wê bibe sedama çêkirina nakokiyên mezin di navbera gelê Sûriyê û yê Rûsiya de, û wê bibe dexmeyek dîrokî ya reş di navbera herdu gelan de yên ku hevdem dost û hevkar bûn.
Jêder: Hevbendî
