Îro sibehê Firokên Rêjîma Esed taxên niştecihan li bajarê Dareya li Gundewarê Şamê bi heşt Bermîlên teqîner amanc kirin. Her wiha doh bi bêtirî 24 bermîlên mişt napalma sotandinê û mûşekên erd-erd yên ko navê wan mûşekên Fîl in amanc kir.
Encûmena xwecihî ya bajêr di daxuyaniyekê de doh daxwaz ji netewên yekbûyî kir ko zû biryarên navdewletî yên ji bo herêmên dorpêçkirî cîbicî bike, û alîkariyên xwarinê û bijîşkî ji bo sivîlên dorpêçkirî li bajarê Dareya derbas bike, û fişarê bide ser Rêjîma Esed da operasiyonên xwe yên leşkerî rawestîne û sivîlan bombebaran neke.
Daxuyaniyê bêtir got tiştê ko li Dareya dorpêçkirî çê dibe gerek netewên yekbûyî û civaka navdewletî bizavên xwe xurtir bikin, dako sivîlan biparêzin û barê wan sivik bikin”mixabin ev yek nebû, û zêdegaviyên rêjîma Esed piştguh bûn û metirsî li ser jiyana sivîlan û rewşa jiyana wan bêtir bû.”
Daxuyaniyê anî ziman ko derdê sivîlên dorpêçkirî bêtir bû, ji nava wan jî zarok li bajarê Dareya ji 22.11.2012an de, û berdewambûna bombebaranê, û tunebûna hêmanên jiyanê yên bingehîn piştî ko hêzên rêjîma Esed dest danîn ser xaka çandiniyê li derdorê bajêr di hefteyên dawî de.
Jêder: Hevbendî
