Hevbendiya Niştimanî ya Sûrî teqîna li Cebel Muhsin yê li bakurê Libnanê çê bû protesto kir. Û ew bi “tawankarî” Salix da, Salim Elmislit Berdevkê fermî yê Hevbendiya Niştimanî di daxuyaniyekê de îro got: “Nûçeyên ji Cebel Muhsin tên cihê dilrehtî û mixabiniyê ne, em di Hevbendiya Niştimanî de bi protestokirina tawankariya ko li wir çê bû pabend in”. Elmislit şermezarkirina Hevbendiyê tekez kir ji”çi karên ko Sivîlan amanc dikin li çi cihî be bê awarte” û her zêdegavî li dijî Sivîlan, tawankarî û dijberî sincên Şoreşê ye, Elmislit “Sersaxiya xelkên qurbaniyan kir û hêviya çareseriyê ji Birîndaran re xwest” . Herweha Hevbendiya Niştimanî êrîşa li ser Rojnameya Şarlî Îbdo li Parîsê protesto kir, û piştgiriya xwe ji malbatên qurbaniyan re da xuyakirin, û êrîşa li ser Polîsên geştûgozariyê li Siltan Ehmed li Istanbulê protesto kir. Di heman mijarê de Hevbendiya Niştimanî daxwaz ji Konfiransê bilind yê Ewropî ko wê 12ê Meha Sibatê ji bo têkbirina tiroristiyê lidar bikeve ku” Rêjîma Esed têkin lîsteya Rêjîmên tirorist, û bi lezgînî planên wî gem bikin û cîhanê ji tawankariyên wî rizgar bikin.” Çimkî ew ji rêjîmên ko tiroristiyê çê dikin e.”
Elmislit berdevkê fermî yê Hevbendiyê di daxuyaniyekê de got: “karê rêjîma Esed di çêkirin û avakirina Şane û Rêkxistinên tirorist, li bal toreyên mafê mirovan yên cîhanî belgehkirî ne, tiroristiya rêjîmê li ser asta derve rahênan û leşkerkirina kesên tundrew li leşkergehên nehînî dike.” Elmislit gotinên miftiyê rêjîma Esed (Hesûn) anîn bîra cîhanê yê ko tekezî kirin li ser “hebûna Şaneyên bi ser rêjîmê ve û amade ne li dewletên Ewropî û Emerîka kirdeyên terorîstî bikin” . dibe wek operasiyona dawî ya ko li Fransa çê bû be an jî mîna tirorkirina Serokwezîrê Libnanî yê berê Refîq Elherîrî yê ko piraniya nîşandekan didin xuyakirin ko destê Esed yekser di wê kuştinê de heye.
Elmislit piştguhkirina Cîhanê ji rola Esed re di çêkirina Rêkxistina Daiş û rêkxistinên tirorist yên din bi “bobelat” da zanîn, herweha protestokirina Hevbendiyê ji hemû operasiyonên tiroristî yên ko Sivîlan amanc dikin li welatên wan tekez kir, yê ko bizav dikin ko dengê serhidêran tune bikin an jî nerînên xwe yên siyasî ferz bikin, em piştgiriya xwe ji malbatên qurbaniyan re diyar dikin û em li kêleka wan radiwestin.
Jêder: Hevbendî
