Emîndarê Giştî yê Hevbendiya Niştimanî ya Sûrî Heysem Rehmê, hişyarî da der barê hewlên navdewletî yên neragihandî yên ji bo vegerandina penaberên Sûrî bo welatê wan, û daxwaza pabendbûna bi rêkeftinên navdewletî yên ku rê li ber vegera bi zorê ya penaberan digire kir, nemaze ku Sûriya hîn ji bona vegera çi penaberekî bi sedema hebûna rijêma Esed ne ewle ye.
Û Rehmê bal kişand ser ku hê jî sedemên penaberiya Sûriyan berdewam in, ew jî hebûna rijêma Esed li ser desthilatê ye, yê ku bûye sedema koçberî û penaberiya nêzîkî 13 milyon Sûrî, ji ber siyaseta wê ya serkutkirinê ya li ser bingeha kuştin, girtin û binçavkirina kotekî ji tevaya rikberan re ava bûye.
Û Emîndarê Giştî bi bîr anî ku rijêma tawankar berê pabendî bi naveroka biryarên navdewletî nekiriye, û di çi pirojeya taybet bi sûriyan de bawerî pê nabe, ji ber ku ew tenê lîstokeke di destê Rûsiya de, û kar bo xizmeta berjewendiyên wê dike û fermanên wê bi cî tîne.
Û Rehmê hişyarî da ku komkujiyên rijêma Esed dermafê gelê Sûriyê hîn ta niha dubare dibin, ji ber ku ev rijêm li ser bingeha terorîzmê û serkutkirinê ava bûye, û çi hewlek ji bo vegerandina wê bo nav civaka navdewletî tê wateya pejrandina tawanên wê yên hovane û wek piştgiriyê ye jê re.
Û Rehmê bizavên rêxistinên mafên mirovan – ên navdewletî û navxweyî – yên ku hişyariyê didin Netewên Yekbûyî û Komîseriya Bilind ku beşdariyê bi rijêma Esed re di çi rêkeftinekê de ji bo vegerandina penaberan nekin, ji ber ku ew metirsiyê li ser jiyana kesên vedigerin çêdike, ji ber ku şert û mercên vegera ewle hîn ta niha peyda nebûne.
Û Emîndarê Giştî amaje bi wê yekê kir ku koçber û derbiderên Sûrî hîn li benda peydakirina şert û mercên vegera bo bajar û bajarokên xwe ne, ew jî di riya pêkanîna veguhestina siyasî li gorî biryara Encûmena Ewlekariyê ya 2254 û sizakirina rijêma Esed û hevalbendên wê li ser bi sedên tawan û binpêkirinên ku dijî Sûriyan pêk anîne.
Jêder: Ofîsa Ragihandinê ya Hevbendiya Niştimanî ya Sûrî