Emîndarê Giştî yê Hevbendiya Niştimanî ya Sûrî Heysem Rehmê, pêşwaziya Seltenta Umanê ji tawankarê cengê Beşar Esed re şermezar kir, ji ber ku pêşwazîkirina wî weke piştgiriyê ye ji rijêma ku tawanên bi çekên kîmawî û bermîlên teqîner pêk anîne, û bihezaran tawanên dijî mirovatiyê li ser hatine çespandin.
Û Rehmê tekez kir ku pêşwaziya tawankarê cengê Beşar Esed li Emanê, bi milyonan ji gelê Sûriyê tengijand, ew gelê ku bûye qurbaniyê terora vê rijêma ku alavek e di destê Rusya û Îranê de, û kar ji bo xizmeta berjewendiyên wan dike, û nûnertiya gelê Sûriyê nake.
Û Rehmê cext kir ku asayîkirina têkiliyan bi vê rijêmê re rastiya wê ya tawankarî neguherîne, û dosya wê ya tijî komkujî û tawanên cengê û tawanên dijî mirovahiyê vala nake, û bandorê li moralê gelê Sûriyê yê ku hîn jî ji bo bidestxistina azadiya xwe têdikoşe kêm nake.
Û Emîndarê Giştî yê Hevbendiya Niştimanî, ji Selteneta Umanê û çi welatekî ku destê alîkariyê dirêjî vê rijêma tawankar dike xwest ku piştgiriya xwe ya siyasî û hemû şêweyên piştevaniyê rawestînin, ji ber ku ew tenê tê wateya berdewamiya Esed di kuştin, koçberkirin, girtin û kuştina di bin îşkenceyê de.
Û Rehmê tekez kir ku sistiya Amerîkiyan û bêdengiya Ewropiyan û çavgirtina wan ji sizayên li ser rijêmê, bi behaneya dosya mirovî ya ji encama erdhejê, ya ku ziyan û bandora wê ya neyînî ne bi qasî 1% ji qebareya tawanên Esed e, derfet da bilindbûna dengên ji bo normalkirina têkliyan li gel rijêma tawankar. Û ji civaka navdewletî, bi taybetî dewletên kartêker di nav wê de, xwest ku berpirsyariya xwe hilgirin, û çavên xwe ji yê ku bi milyonan Sûrî kuştine û koçber û derbider kirine û bûye çeteyê navdewletî ji bo belavkirin û bazarganiya Captagon û hemû cureyên keresteyên hişbir, negirin.
Û Emîndarê Giştî yê Hevbendiya Niştimanî got ku vegerandina rola Sûriyê ya kartêker li ser asta erebî û herêmî, ne bi rêya normalkirina têkliyan bi tawankarekî cengê re tê, lêbelê di riya cîbicîkirina hêviyên Sûriyan di bidestxistina azadiya wan de, û piştgiriya veguhestina siyasî li Sûriyê li gorî biryarên navdewletî re ye.
Jêder: Ofîsa Ragihandinê ya Hevbendiya Niştimanî ya Sûrî
