Emîndariya Giştî ya Encûmena Niştimanî ya Kurdî tekez kir ku hilbijartinên ku milîsên PYDê yên terorîst xwe amade dikin ji bo li navçeyên di bin kontrola xwe de li rojhilatê Firatê li dar bixe “di atmosfereke ne bêalî de pêk tên û encam naskirî ne û di bin desthilatî û kontrola PYD’ê de ne û li gor peymaneke civakî ya îdeolojîk in.”
Emîndariya Giştî ya Encûmenê di daxuyaniyekê de piştî civîna xwe ya asayî, ku di 25ê gulanê de li bajarê Qamişlo lidar ket, tekez kir ku ev hilbijartin nerewa ne.
Emîndariya Giştî ya Encûmenê êrîşên van milîsan li ser ofîsên Encumenê û partiyên wê û şewitandina wan, û berdewamiya revandina endamên Encûmena Niştimanî ya Kurdî û alîgirên wê bi awayekî ku li dijî hemû nirx û maf û prensîbên mirovî ne şermezar kirin.
Emîndariya Giştî daxwaza serbestberdana bilez a revandiyan, herweha rawestandina van kiryarên terorîstî û astengkirina azadiya siyasî û sepandina bacan li ser xelkê kir.
Emîndariya Giştî ya Encûmenê li ser rewşa trajîk a gelê Sûriyê rawestiya, ji ber astengkirina hewlên dîtina çareseriyeke siyasî li Sûriyê li gorî biryarên navdewletî, û rêjîm di ber vê yekê û girankirina êş û azarên Sûriyan berpirsyar dît, û tekez kir ku çareseriya pirsa Sûriyê li ser bingeha biryarên navdewletî yên pêwendîdar e, bi taybetî biryara 2254.
Jêder: Ofîsa Ragihandinê ya Hevbendiya Niştimanî ya Sûrî
