Encûmena Niştimanî Kurdî êrîşa tiroristî ya milîtanên PYD li ser Encûmena xwecihî ya Girkê Legê li parêzgeha Hesekê pirotesto kir, ko hewldane Nivîsgehê bipeqînin bi bombeyeke li ser destan çêkirine û dagirtî bi semad û bizmaran, û li pêşiya Nivîsgeha Encûmenê danîne, û ziyan gihandine cam û deriyên Nivîsgeha Encûmenê.
Encûmena Niştimanî di daxuyaniya xwe de tekez kir ko Çekdarên PYD bi evan kirdeyan radibin wekû tolhildanê ji Encûmena Kurdî û pirojeyê wê yê Niştimanî û amadebûna Encûmenê li danûstandinên Cinêvê digel opozisyona Niştimanî Sûrî hem jî dixwazin aramiyê têk bidin û yekîtiya netewî û niştimanî bi evan kirdeyên tiroristî tarûmar bikin.
Berî jî Encûmena Niştimanî Kurdî li Girkê Legê rastî çend hewldanên tiroristî bûye bi amanca viyana azad ya xelkên Girkê Legê û Rimêlan û Gundên derdoran wan têk bidin, hem jî hewl didin ko rola Encûmenê ya aktîv û çalakiyên wê bişikînin. Çimkî baweriya Milet bi pirojeyê wê yê Niştimanî tê.
Xwecihiya Girkê Legê wek hevalên xwe Encûmenên bi ser Encûmena Niştimanî ve û ji destpêka Şoreşa Sûriyê ve, dengê miletê azadîxwaz e yên ko doza rûxandina Esed dikin û mafê netewî yê rewa yê miletê Kurd li gora rewiştên navdewletî misoger bikin. Berê û nuha jî dengê kolana Kurdî ye tev ko raserî gelek fişaran tê.
Hêjayî bibîranînê ye ku roja Înê 24.01.2014an, Nivîsgeha Encûmena xwecihî li Girkê Legê bi lidarxistina Cinêva 2 re bi giştî hate sotandin. Û di roja duşembê 05.05.2014an durişmê Encûmenê yê li ser Nivîsgehê ye hate çirandin û di roja yekşembê 24.04.2016an Nivîsgeha Encûmena Niştimanî di demjimêr 8:30 êvarî bi lidarxistina Cinêvê û beşdarbûna Encûmena Niştimanî Sûrî tê de digel Şanda Desteya Bala ya danûstandinan, hate sotandin.
Jêder: Hevbendî