Encumena Hoz û Êlên Sûrî, prosesa bi navê hilbijartinên herêmî yên tê gotin ku dê di 11ê hezîranê de li herêmên di bin kontrola milîsên PYDê yên terrorist de li rojhilatê Feratê bên lidarxistin red kirin.
Ajansa Anadolê li ser zarê Serokê Ofîsa Têkiliyan a Encumena Hoz û Êlên Sûrî Zekeriya El-Ehmed, ragihand ku di civîna wan a di Konferansa Giştî de, parçebûna Sûriyê û hilbijartinên bi nav ên ku dê li rojhilatê çemê Firatê bêne lidarxistin red kirin.
Her weha got: Em îro kom dibin da ku dengê birayên xwe yên Ereb, Kurd, Aşûrî û Xiristiyan ên li rojhilatê Firatê bigihînin cîhanê.
Û weha berdewam kir: Em bi vê peyamê bang li Encumena Ewlekariyê ya Neteweyên Yekbûyî, Yekîtiya Ewropayê û rêxistinên mafên mirovan dikin: Armanca me ne parçekirina Sûriyê ye, lê belê şoreşa me dijî rejîma Beşar Esed e.
Ji aliyê xwe ve, berpirsê Encûmena Êlên Kurd li Efrînê Cîhad Sebrî Daûd, ragihand ku di kongreya giştî ya Encûmena Encumena Hoz û Êlên Sûrî de hemû pêkhateyên Sûriyê beşdar bûne û got: “Em dixwazin li vî welatî wek bira bijîn, welatê me rizgar bibe û em bi hemû mezheban re di nava aştî û yekîtiyê de bijîn.”
Duh, duşemê, bajarokê Sico li gundewarê Helebê, pêncemîn kongireya giştî ya Encumena Hoz û Êlên Sûrî bi sernavê: “Ber bi Sûriyeke azad û yekgirtî û dûrî teror, stemkarî û tundrewiyê” hat lidarxistin.
Tê zanîn k şandek ji Hevbendiya Niştimanî ya Sûrî bi serokatiya serokê Hevbendiyê Hadî El-Behra di kongir de beşdar bû, ji cîgirê serok Ebdilmecîd Berekat û sekreterê giştî Heysem Rehma û endamên desteya siyasî û desteya giştî pêk dihat.
Di kongir de, serokê desteya danustandinên Sûriyê Bedir Cemus û hejmarek ji endamên desteya danustandinan jî amade bûn, her weha hejmarek ji wezîrên hikûmeta demkî ya Sûriyê, Encûmena Turkmenî bi nûneratiya serokê wê Feysel Cuma, û nûnerên encûmenên xwecihî, federasyon û sendîkayan, û hejmarek baş ji rûspî û kesayetiyên şoreşger, ku hejmar gihabû nêzîkî 8 hezaran beşdarî kirin.
Jêder: Ofîsa Ragihandinê ya Hevbendiya Niştimanî ya Sûrî
