Endamê Desteya Yasayî ya Hevbendiya Niştimanî ya Hêzên Şoreş û Rikberiya Sûrî, Hîşam Merwa, di hevdîtinekê de li gel rojnameya “Ukaz” a Siûdî, îro şemiyê,tekez kir ku baregehên leşkerî yên Îranê li Sûriyê ji bo serkutkirina gelê Sûriyê ne, û ti têkiliya wê bi beramberiya dagîrkeriya Îsraîlî tune ye, ne wek ew dibêjin.
Û Merwa tekez kir ku baregeha Îranî li Sûriyê, ya ku dezgehên ragihandinê vê dawiyê eşkere kirine, pirjeyeke ku Îran ji ber ji demek dirêj de li ser kar dike, ji bo mukumkirina hebûna xwe li Îraq û Sûriyê û dewletên derdorê.
Û Merwa got ku hebûna baregeha leşkerî beşek ji pirojeyê Îranê ye ji bo pişgiriya rijêma Esed dijî gelê Sûriyê da desthilata xwe berdewam bihêle. Her weha ew beşek ji pirojeyekî mezintir e bo armanckirina devera Erebî û aramiya wê, bi taybetî dewletên derdora Îranê, Îraq û welatên Kendacê û Urdin di pileya yekem de.
Û derbarê pişgiriya hêzên Rûsiya ji rijêma Esed re, Merwa bal kişand ser ku rijêm ji sala 2012an de bidawî bûye, lê wî Îranî yên ku nikarîbûn wî biparêzin anîn, û di sala 2015an de xwe avêt Rûsan, yên ku heman karê xwe yên li Afxanistan û Şîşan kirin, û tekez kir ku hêzên Rûsiyê heman komelkujiyên ku rêjîmê dest pê kiribûn bi komelkujiyên dijî sivîlan berdwam kirin.
Û Merwa dît ku siyaseta “ xaka şewitî” ya ku Beşar Esed pêk tîne, armanc jê guhertina pilana siyasî li Sûriyê ye, û çêkirina guhertinên li ser xakê bi piştgiriya milîsên Îranê, yên ku hejmara wan zêdetir ji 90 hezarî ye, û dijî gelê Sûriyê şer dikin.
Û Merwa hişyar da li ser ku Îran di riya avakirina baregehên xwe yên leşkerî li Sûriyê, tekeziyê li ser berdewamiya pirojeyê xwe yê nijadpewestî ji bo tevaya deverê armanc dike, û amaje kir ku ev baregeh nameyeke ji tevaya Ereban re, tê de dibêje ku Îran di pirojeyê xwe yê nijadperestî de yê ku destêwerdan û zalbûna wê dabîn dike de berdewam e.
Jêder: Ofîsa Ragihandinê ya Hevbendia Niştimanî ya Sûrî
