Hevbendiya Niştimanî Ya Hêzên Şoreş Û Rikberiya Sûriyê, daxwaza dubare vekirina doseya komelkujiya kîmawî ya rêjîma Esed di 21/8/2013an pêk anî, ji Encûmena Asayîşa navdewletî kir, ew tewana ku sê sal li ser derbas dibin û 1127 sivîlên Sûriyê têde şehîd ketin, û sêyek ji wan ji zarok û ji jinan pêkdihat, û daxwaza veguhestina wê bo dadgeha tawanên navdewletî kir, ji bona destnîşankirin û dadgehkirina berpirs û encamderên wê komelkujiyê û rê bête girtin li pêş dubarekirina tawanên wan.
Herwiha ku hin raportên mafnasî yên serbixwe amaje bi wê yekê dikin ku rêjîma Esed 136 caran çekên kîmawî û yên qedexekirî bikar anîne her ji derketina biryara 2218 li 27/09/ 2023an de ya têde ambargeha kîmawî ya rêjîmê hat têkbirin, û ev sivikatiya rêjîmê bi civaka navdewletî û hestê wê yê bi parastîbûnê û rizgarbûna ji sizadanê diyar dike!
Li aliyek din, Hevbendiya Niştimanî axavtinên Beşar Elce’ferî nûnerê rêjîmê li NY yên duhî şermezar kirin, ku di axavtinên xwe de sivkatî bi xwîna qurbaniyan kir, û dewleta Firensa gunehbar kir, ji bona çêkirina tevlîheviyan û redkirina berpirsyaretiya rêjîma xwe, ya ku piştî tawankariyê yekser dibin sizayên navdewletî û dibin gefên Amerîka yên bikaranîna hêza leşkerî, destberdarî ji ambargeha xwe ya çekên kêmyayî kir.
Hevbendiyê amaje kir ku bi dirêjahiya sê salan, rêjîma xwînmij sûr maye li ser redkirina berpirsyaretiya xwe di ber kuştara kêmyayî ya Xûta Şamê de, hevdem ku lêkolînerên NY û yên rêxistinên navdewletî nîşan û belgeyên zêdetir li ser berpirsyaretiya Rêjîmê ya rasterast eşkere dikin.
Jêder: Hevbendî
