Bi dehan Xwepêşander îro sêşemê berve meydana Elseyr/ Elkerame çûn, da ku di xwepêşandanên ku ev deh roj in berdewam in de, tekeziyê li ser daxwazên gel ên guhertina siyasî bikin.
Û çalakvanan perçevîdyoyên hilanîna wêneyê Beşar Esed ji ser avahiya şaredariyê li bajarokê “Elqireya” li başûrê Siwêda duh roja duşemê belav kirin, û ev tişt li gelek ji gundên parêzgehê bi heman rengî pêk hat, ku têde xelkê nerînên xwe yên derbarê redkirina rijêma Esed anîn ziman.
Û li gundê Elmecdel li gundewarê rojavayê Siwêda, duh duşemê, bi dehan ji xelkê gund kom bûn, û daxwazên xwe di riya mîkrafonan re ragihandin, û pankartek bilind kirin têde nivîsîbûn: “Yan li ser zemînê bi rûmet yan jî li bin erdê birûmet”, her wiha xelkê bajarokê Imtan li başûrê Siwêda mangirtinên xwe yên nerazîbûnê berdewam kirin, û civîngeran daxwaza guhartina rijêmê kirin.
Û metingeran di xwepêandanan de daxwaza koçkirina rijêma Esed û derketina tevaya hêzên biyanî ji Sûriyê û di pêşî de hêzên Rusya û Îranê û tevaya milîsên mezhebî kirin.
Û xwepêşanderan daxwaza cîbicîkirina biryara navdewletî ya girêdayê Sûriyê ya hejmar 2254 a ku tekeziyê li ser veguhastina siyasî dike, kirin, û tekez kirin ku mana rijêmê li ser desthilatê ne pêkan e, piştî ku Sûriya wêran kir, û zêdetir ji nîvê xelkê wê koçber kir.
Jêder: Ofîsa Ragihandinê ya Hevbendiya Niştimanî ya Sûrî
