Emîndarê giştî yê Hevbendiya Niştimanî ya Hêzên Şoreşê û Rikberiya Sûriyê Ebdilîlah Fehed tekez kir ko daxwaza koçkirina Esed ji daxwazên Şoreşê yên bingehîn e, û ne ji mafê tu kesî ye ko dev jê berde, û yê ko wilo dixwaze mafê miletê Sûrî û mafê nîv milyon şehîdî û bi hezaran girtî winda dike, ev bijarte ne ya bazarê ye.
Fehed tiştê ko li Estanê çêbibe salix da û gor ko ew danûstandinên leşkerî ne ji bo cîbicîkirina peymana agirbestê û hin mijarên din ko bi aliyên locistî ve li ser xakê têkildar in, û çi peywendiya wê bi danûstandinên siyasî re nîn e. bêtir got ko dosya siyasî dê li Cinêvê bimîne û nûnerîtî ji ya Desteya bilind ya danûstandinan pêve nîn e.
Di mijareke têkildar de Emîndarê giştî yê Hevbendiya Niştimanî got ku giring e alayên leşkerî yên şoreşê bi heman amanc û dirûşmên şoreşê û daxwazên wê yek bin. Û destnîşan kir ko “ne dirist e ko alayên şoreşê û tevgerên wê al û pirinsîbên taybet bi xwe hildidin, û ev ne ji daxwazên Şoreşê ne, û ne ji bercewendiya milet in. Îro çê nabe ko pirojeyine din ji bil yên şoreşa Sûriyê hebin, û heçî ko derveyî çarçoveyê bimîne ew jiderveyî şoreşê ye. ”
Jêder: Nivîsgeha Ragihandinê ya Hevbendiya Niştimanî/ Ekaz