Şandera Fransî ya taybet ji bo Sûriyê, Balyoz Brigitte Cormi, sersaxî ji Serokê Hevbendiya Niştimanî ya Sûrî Salim Elmislit re derbarê qurbaniyên Sûrî yên ku berî çend rojan di binavbûna qeyka ku rahiştibû koçberan de canê xwe ji dest dan, pêşkêş kir.
Û Kormî di nameya ku ji Serokê Hevbendiya Niştimanî re şandibû de, careka dî rijdiya welatê xwe ji bo liva ber bi çareseriyeke siyasî de li Sûriyê, ku têde sûrî jiyaneke rûmetdar bijîn, û paşeroja ku hêjayê ne bidest bixin tekez kir, û Fransayê ev yek li Brukselê di kongirê bexşeran de yê ku berî çend rojan li dar ketibû de diyar kir.
Û Hevbendiya Niştimanî ya Sûrî di daxwiyaniyekê de tekez kiribû ku rijêma Esed tevaya berpirsiyariya berdewamiya koçberiyê û pêla penaberiyê hildigre, ji ber rêbaza wê ya tepeserkirin û binpêkirinên mafên mirovan bi awayekî berdewam a li dijî gelê Sûriyê pêk tîne, û berdewamiya binçavkirin û îşkenceyê di girtîgehên wê de.
Û Hevbendiya Niştimanî bal kişand ser ku metirsiyên ku gelê Sûriyê bi berdewamî di riya penaberiyê de xwe tûşî wan dike, nîşana nepêkaniya jiyana di bin desthilata rijêma Esed û rêbaza wê ya tawankarî û milîsên mezhebperest ên girêdayî wê de ye, û derewa gotinên rijêmê dema dibêje ku deverên di bin kontirola wê de ewle bûne tekez dike.
Jêder: Ofîsa Ragihandinê ya Hevbendiya Niştimanî ya Sûrî
