Îro li Istembolê desteya giştî ya Hevbendiyê dest bi civînên xula xwe ya 19an kir, û têde baredoxên meydanî û yên leşkerî li seranserî Sûriyê hatin gengesekirin, tevlî dawîtirîn pêşhatên li ser eniyan çêbûne.
Di destpêkê de Xalid Xoca Serokê Hevbendiyê pêşgotinek pêşkêş kir û têde li ser berdewmiya rêjîma Esed di siyaseta kuştin û dorpêçkirin û birçîkirin û girtinê de axivî, û got li ser me ferz e ku” em giraniya bar û erkê xwe li berçav bigirin û bi roj û şev kar bikin bo bilindkirina astê şoreşê heta bigehe astê ralîta dewletê, û em berjewendiya gelê xwe ya ji bona wê qurbaniyên mezin hatine dayîn li ser her berjewendiyên din re bigirin”.
Herwiha Xoca tekezî li ser giringiya danana pîvanên zanistî kir û şopandina riyên pêwîst bo bilindkirina astê şoreşê bo bikaribe li pêş gel û li pêşberî Cîhanê bibe elternatîv ji rêjîma kujek re, herwiha balkişand li ser giringiya mifadîtinê ji belgenameyên berê û dariştina mîkanizmên pêwîst, wek Belgenameya Soza Niştimanî û Lênêrîna Siyasî Ya Sûriya Nû, zêdebarî pirojên Aştiya Sivîl û Dadweriya Veguhêz.
Ji aliyê xwe ve heryek ji lîwa Selîm Idrîs wezîrê bergiriyê û emîd Ebdulkerîm Elehmed serkirdeyê desteya erkana artêşa azad doxa meydanî û leşkerî li hemû navçeyan şirove kirin, tevlî gengeşekirina pêşhatên li ser eniyên şer çêbûne.
Hêjayî gotinê ye ku civîn wê sê rojan berdewam bin û têde Desteya Giştî wê reşnivîsa Piransîpên Bingehîn yên Yeklakirina Siyasî û raporta serokê Hevbendiyê û Sekertêrê giştî bêne gengeşekirin, tevlî gengeşekirina raporta Yekîneya Hevrêziya Piştgiriyê û Hikûmeta Demkî, herwiha wê pêvajoya Qahîre û dîyaloga niştimanî jî bêne gengeşe kirin, û biryar li ser rastkirina hin bendên sîstema bingehîn bên dan.
Jêder: Hevbendî