Duhî li bajarê Istembolê nûnerên Encûmenên xwecihî û wezîrê kargeriya xwecihî di Hikûmeta Sûrî ya demkî de bi nûnera Keneda li cem opozisyona Sûriyê re civiyan, ku herdu aliyan rola encûmenên xwecihî di kargeriya navçeyên rizgarkirî de û herwiha pêşkêşkirina xizmetguzariyan de bo nişteciyan gengeşe kirin, û herwiha herdu alî li ser dubarekirina bikaranîn û şiyandina damudezgehên xizmetguzarî yên dewletê bi taybetî li ser saxbîrîkirina kertên perwerde û fêrkarî û saxlemiyê rawestan.
Di hevdîtinê de pilana nû ya pirojeyên geşepêdanê ya ku ji aliyê Encûmenên xwecihî û ji aliyê wezaretê ve hatiye danîn ji bona peydakirina darayî bi rengekî xweser hat pêşkêşkirin, tevlî diyarkirina pilana berferkirina aramî û seqamgeriyê, û parastina tevna civakî û girtina rê li pêş derbasbûna mirov û ramanên tundrew di navçeyên rizgarkirî de.
Di biyavê Siyasî de, tekezî hat kirin li ser giringiya avakirina navçeyek tenah ku bi rêka wê Encûmenên xwecihî bikaribin kargeriya sivîl aktîv bikin û dest bi dubarekirina şiyandina damudezgehên xizmetguzarî bikin û pêdawîstiyên jiyanê bo nişteciyan dabîn bikin.
Di hevdîtinê de mijara dubarevekirina qutabxane û zankoyan hat rojevê ligor heman raporta hatî amadekirin ji aliyê şanda Hevbendiyê ve di dema serdana xwe de bo bajarê Idlibê û dûvçûna kertê perwerde û xwendina bilind di navçeyên rizgarkirî de, û ji aliyê xwe ve nûnerên encûmenan û wezîrê kargeriya xwecihî bal kişandin li ser pêwîstiya pêkanîna hevpariyeka bihêz di navbera Netewên Yekgirtî û Hikûmeta demkî de bo derbaskirina alîkariyên navdewletî bi rêka Hikûmetê, û rawestandina hevkariya rêxistinên navdewletî ligel rêjîmê, ya ku alîkariyên navdewletî bikar tîne ji bona serbaz û mêlîşêyên xwe, û herwiha amaje hat kirin ku şoreşgeran komek alîkariyên navdewletî dîtin di serbazgeha Elmestûma de piştî vekişandina hêzên rêjîmê.
Jêder:Hevbendî
