Girûpa Kar a Cezîre û Firatê ya Hevbendiya Niştimanî ya Sûrî, duh Çarşemê li iyaleta Riha ya Tirkiyê, komxebatek li ser rewşa meydanî û siyasî li herêma Cezîrê û Firatê li dar xist.
Hevrêzkarê Girûpa Kar a Cezîre û Firatê ya Hevbendiya Niştimanî ya Sûrî Ebdilbasit Ebdulletîf û endamin navendên lêkolînan yên Sûrî û pisporin ragihandinê yên taybetmend di karûbarên herêmê de her weha nûnerên çalakvaniyên civakî yên ku nûnertiya pêkhateyên deverê dikin di komxebatê de beşdar bûn.
Komxebat ji çar daniştinan pêk hat, di beşa yekem de giringî dan serhildana êlên rojhilatê Firatê li dijî çekdarên PYDê yên terorîst, têde kesên beşdar li ser kok û sedemên rasterast û nerasterast ên serhildana eşîran û helwesta Amerîka û dewletên herêmê jê her weha rewşa dawî û encamên texmînkirî gotûbêj kirin.
Di rûniştina duyemîn de, amadebûyan rewşa aloz a di navbera milîsên Îranî û hêzên hevpeyman de li rojhilatê Feratê nirxandin, û li ser hebûna leşkerî ya milîsên Îranî û hêzên hevpeymanan li her du peravên Firatê û asta şer û pevçûnên berê li gorî pêşhatên dawî û çawaniya girêdana qadên ku Îran dixwaze ferz bike her weha helwesta milîsên PYD’ê yên terorîst di nava van geşedanan de û derfetên gurkirinê an jî aramkirina rewşê hatin gotûbêjkirin.
Di rûniştina sêyem de, amadebûyan rewşa arasteyên dawîn yên civakî û siyasî yên milîsên PYDê, meylên eşîrî yên van milîsan û awayê danûstandina wan piştî serhildana eşîran û rola hevbendiyê di aramkirina rewşê de gotûbêj kirin.
Di rûniştina çarem de, beşdaran binpêkirin û şert û mercên mafên mirovan li herêmê şopandin, ji ber ku milîsên PYD yên terorîst di revandina zarokên nûhatî û leşkerkirina wan bi darê zorê û girtina kotekî, windakirina bi zorê û îşkencekirin û wêrankirina gundan bi bildozeran û derxistina niştecihan, şewitandina zeviyan û pêkanîna teqînan li navendên niştecihan û kiryarên terorîstî yên li wan deveran pêk tên de berdewam in.
Di civînê de amadebûyan pêşniyar kirin ku li bajarê Rihayê bi awayekî berdewam û di navberên nêzîk de komxebatên bi vî rengî bên lidarxistin, ji bo şopandina bûyeran û destwerdan û tedbîrên bilez û bi bandor, herwiha giringiya xebata Girûpa Kar a Cezîre û Firatê ji bo lidarxistina komxebatekê ji Encumena Êl û Eşîrên Sûriyê re, ji bo gotûbêjkirina pirsa serhildana eşîran û rola êl û eşîran di vê serhildanê de, û li darxistina dubeytekê an komxebatekê ji aliyê Encumana Niştimanî ya Kurd ve ji bo gotûbêjkirina rola negatîv a Milîsên PYD û PKK yên terorîst li ser kêşeya kurd.
Jêder: Ofîsa Ragihandinê ya Hevbendiya Niştimanî ya Sûrî
