Hevrêzkarê Girûpa kar bo penaber û awareyan ya Hevbendiya Niştimanî ya Sûrî Ehmed Bekûra, raporta karê girûpê pêşkêşî desteya giştî ya Hevbendiya Niştimanî di xula wê ya asayî de kir.
Bekûra behsa rewşa penaberên Sûrî bi giştî li piraniya welatên penaberiyê kir û bêhtir li ser ya penaberên li Libnan û Tirkiyê rawestiya.
Bekûra behsa şert û mercên dijwar ên penaberên Sûrî yên li Libnanê têde dijîn, ji encama tundbûna bombebarana Israîla dagirker li ser Libnanê û tengkirina bijardeyên penaberan kir, çi vegera bo herêmên rêjîmê be an derdeseriya ji encama kiryarên ciyawaziyê ên desthilatdarên Libnanê dijî penaberan bikar tînin be, ji ber ku ew nahêlin rêxistinên navdewletî cih û war, xwarin û dermanan ji wan re dabîn bikin.
Bekûra bal kişand ser wê yekê ku bi hezaran penaberên Sûrî li Libnanê yên ku ji aliyê rêjîma Esed ve daxwazkirî ne, di çend rojên borî de neçar bûn ku bi malbatên xwe re vegerin deverên rêjîmê, û da zanîn ku çarenivîsa wan kesên ku vedigerin herêmên rêjîmê di bin metirsiyê de ye, bi taybetî ku bûyerin belgekirî yên berê hene têde kesên vegeriyane hatine girtin û kuştin.
Bekûra agahî li ser xebata Girûpa Karûbarê Penaber û Derbideran ji bo şopandina rewşa penaberên sûrî pêşkêş kirin, çi bi rêya hevdîtinên bi rayedarên fermî yên Tirkiyê re be an bi riya peywendiyan û lidarxistina civînên di riya enternêtê re bi rayedarên Libnanî û rêxistinên navdewletî û herêmî re be.
Bekûra bal kişand ser kêşeyên berdewam ên derbarê ranewestana koçberbûnê ji ber berdewamiya sedemên ku dihêlin Sûrî dest ji warên xwe berdin û li penagehan bigerin, nemaze berdewamiya armanckirina rêjîmê û hevalbendên wê ji kamp û cihên kombûna derbideran re, û dibîne ku ew yek êş û azarên mirovî û şert û mercên nebaş ên ewlehî, xizmetguzarî û aborî zêdetir dike û xelk neçar dibin ku birevin derveyî sînor.
Jêder: Ofîsa Ragihandinê ya Hevbendiya Niştimanî ya Sûrî
