Cîgira Serokê Hevbendiya Niştimanî ya Sûrî Ruba Hebûş, beşdarî di kongerê salane yê rikberiya Îranê li Parîsa paytexta Firansayê de kir, û têde gotarek xwend, û tekezî li ser pêwîstiya karê tevayî û berdewamiya xebatê bo rûxandina rijêma meleyan li Îranê û ya Esed li Sûriyê kir, her weha cextî li ser dawîlêanîna tevaya milîsên terorîst ên mezhebî yên girêdayî bi herdû rijêman ve, yên ku ewlehî û aramiya deverê û cîhanê dikin bin gefê de kir.
Û di destpêka gotara xwe de Hebûş silavên dayîkên pakrewanan û şervanên Sûriyê yên ku rijêma Esed bi hevkariya li gel rijêma meleyan ya Îranê ji zêdetir ji 12 salan de kuştine û hîn jî dikuje gihandin beşdaran.
Û Hebûş bal kişand ser ku metirsiya rijêma meleyan di pileya yekemîn de li ser gelê Îranê ye, yê ku berê û hîn jî derdeseriyê di hemû astên siyasî, aborî û civakî û çandî de dikşîne, û di bin zora rijêmeke tawankar ya ku samanên gel talan dike de dijî, û wan li pêşiya çavê cîhanê digre û dikuje, cîhana ku tenê bi daxwiyanî û sizayan an bi beşdariya di kongirên piştgiriya berxwedana Îranê de beşdariyê dike, bêyî karekî wê yê rasteqîn bo rawestandina vê rijêma tawankar li Îranê da ku gelê Îranê bighê azadî û demoqrasiyê hebe.
Û bal kişand ser ku heman tişt li Sûriyê jî pêk tê, çimkê civaka navdewletî tenê bi derxistina daxwiyanî û gotar û rawestandina hevkariyê dike, bêyî karekî rasteqîn bo rawestandina tawanên Esed dermafê gelê Sûriyê hebe.
Û Hebûş tekez kir ku rijêma meleyan a Îranê, tawankarî û milîsên xwe li dewletên cîran belav dike, ji ber ku ew piştgiriya rijêma Esed a ku xelkê Sûriyê kuştine û hîn jî dikuje dike, û piştgiriya milîsên Hizbullaha tirorist li Libnanê û guropa Hûsiyan li Yemen û milîsên mezhebî li Iraqê dike.
Û got ku hemû devera rojhilata navîn rastî pirojeya mezhebî ya wêranker a rijêma melayan tê, ya ku wê li ser dewletên deverê ferz dike, û got ku projeya melayan tenê li Sûriya, Libnan, Îraq û Yemenê namîne, lêbelê bizavê dike ku pirojeya xwe li tevaya dewletan belav bike, di rêya siyaseta berfirehkirina mezhebî û kirîna wijdanan re û derfetdîtina hewcedariya gelen ji bo rewş bibe dagîrkeriyeke leşkerî ji wan dewletan re.
Û Hebûş bal kişande ser wê yekê ku ji berjewendiya me hemûyan e wek gelên dewletên navçeyê ên daxwazkarên azadî û demokrasiyê ku em ji bo rûbirûbûna vê rijêma tawankar a li Îranê û pirojeya wê bibin yek, û diyar kir ku çi lihevhatin an asayîkirina têkiliyan pêre, reva ber bi pêş ve ye, û dê berdêla me hemiyan kuştin, xwîn, guhertina demografîk, mezhebperestî û wêraniya zêdetir be.
Û Hebûş baweriya xwe anî ziman ku dê çarenûsa rijêmên mezhebî yên tawankar neman be, û dê vîna gelan herdem bimîne, û hêviyên xwe anîn ziman ku her kes li Tehranê bi rûxandina rijêma melayan şad bibe, û gelê Îranê di siya hikûmeteke şareza û demokratîk de bijî, a rêzê li mafên mirovan û azadiyê bigire, û faktora aştî û aramiyê li dever û cîhanê be.
Jêder: Ofîsa Ragihandinê ya Hevbendiya Niştimanî ya Sûrî
