Cîgira Serokê Hevbendiya Niştimanî ya Sûrî Ruba Hebûş, di peyva xwe ya bi boneya Roja Jinê ya Cîhanî de, tekez kir ku ew bi xweragiriya jina Sûrî û hêz û xebata wê şanaz e. Û got ku jinên Sûriyê îro di serkeftin û rûbirûbûna tevaya dijwariyan û li ser hemû astan pêşengiya jinên cîhanê dikin.
Û Hebûş di peyva xwe de bal kişand ser ku em dixwazin Roja Jinê ya Cîhanî ne tenê weke boneyeke pirotokolî be, û kulîlik têde belav bibin, û posterên binpêkirinên mezin dermafê jinan li ser dîwaran bên daliqandin, an bibe helkefteke civakî têde durûtiya siyasî û xemxwiriya derewîn diyar bibe, û cext kir ku jin xebatên cidî û piratîkî ji cîhanê dixwaze, karên ku rêzgirtina rastî di riya rûbirûbûna rijêmên sitemkar û dictator re diyar dikin, dijî rijêmên ku jinan dikujin û digrin û rûmeta wan erzan dikin, weku rijêma Esed ya tawanbar.
Û Hebûş bal kişand ser pêwîstiya xurtkirina rola jinê, nemaze piştî ku pisporî û şarezaya xwe di hemû qadan de çesipandiye, û bal kişand ser ku serboriya xebata mezin yaku jina sûrî di şoreşê de diyar kiriye, rê didê ku cihê xwe di rêzên pêşîn de ji cihê çêkirina biryarê de werbigre.
Û Hebûş bi vê boneyê piştgiriya jinên Sûrî ji gelê Okranya re, nemaze jinên Okranya, û tiştê ku gelê Okranya rastiyê tê di cenga zordar yaku Rûsiya dibe ser welatê wan anî ziman, û tekez kir ku bobelata li ser herdû gelan yek e, ji ber ku neyar yek e.
Û Cîgira Serokê Hevbendiya Niştimanî Ruba Hebûş di peyva xwe de cext kir ku jina sûrî dê kelha rasteqîn û stûna sereke ya civakê be, û dê bimîne penageha ewle û hêviya nûavakirina civaka Sûriyê û tevna wê ya hevgirtî.
Jêder: Ofîsa Ragihandinê ya Hevbendiya Niştimanî ya Sûrî
