Hevrêzkarê Ofîsa Karûbarê Penaberan ya Hevbendiya Niştimanî ya Sûrî, Ednan Rehmon, daxwaza rizgarkirina jiyana zaroka biçûk yaku di kampa Elrukban a ji hêla rijêma Esed û hevalbendên wê ve hatiye dorpêçkirin û di rewşeke tirajîdî de dijî ji saziyên navdewletî yên mirovahî yên girêdayî Netewên Yekbûyî kir.
Û Rehmon di daxwiyaniyên taybet de îro diyar kir ku zaroka bi navê Yeqîn berî derdora heyvekê ji dayik bûye, û kêmasiyeke zikmakî di devê wê de heye, û hewcedarî nişterkariyê bi awayekî lezgîn li derveyî kampê ye daku jiyana wê biparêzin.
Û Rehmon tekez kir ku dorpêçkirina ji salan de ji hêla rijêma Esed û hevalbendên wê ve li ser kampê, tawaneke cengê ye, û civaka navdewletî derbarê wê bêdeng maye, û divê ku ev rewş berdewam nebe, û daxwaza vekirina dorpêçkirinê bi awayekî yekser ji Ser Kampa Elrukban û gihandina alîkariyên mirovahî yên lezgîn bo derbiderên têde kir.
Tê zanîn ku Komîteya Sûrî ya Mafên Mirovan weke desteyeke mafnasî û mirovahî ya serbixwe ye, û bergiriyê di ber azadiyên giştî û mafên mirovan de li Sûriyê dike, û daxwiyaniyek derbarê rewşa kampa Elrukban derxist, û tê de tekez kir ku kamp di metirsiyê de ye, û bal kişand ser xirabiya rewşa jiyanê û ya tendirustî ta pileya ku tucarî wek wê çênebûye.
Û Komîteya Sûrî eşkere kir ku nişteciyên kampê derdeseriya tunebûna ava vexwarinê ya pak û tunebûna keresteyên bingehîn dikşînin, û got ku hejmara nişteciyên di kampê de daket 6 hezar derbiderî, û kamp li hember du bijardeyan e, her yek ji ya dî xirabtir e, ji ber ku an dê ji nêzan bimrin, yan jî dê herin deverên rijêmê û li wir rastî girtin û îşkencekirin û mirina di bin îşkencê de werin.
Jêder: Ofîsa Ragihandinê ya Hevbendiya Niştimanî ya Sûrî
