Cîgira Serokê Hevbendiya Niştimanî ya Sûrî Ruba Hebûş, got ku rizgarbûyên ji komkujiya kîmawî her roj ji xew şiyar dibin mîna ku careke din bêhna mirinê dikişînin, ji ber ku ew kêliyên tirsnak ji bîr û bala wan naçin, û tekez kir ku dîrok piştrast dike ku çi dûr be an nêzîk be dê gunehkar werin darizandin.
Û Hebûş di gotareka xwe ya îro duşemê li ser malpera “Sûriya Tv” belav bûye de, got ku 10 sal di ser komkujiya kîmyayî re derbas bûn, ya ku wê şevê mirin bê deng hatibû, û qurbaniyan dengê firokan û bombebaranê nebihîstin, lêbelê di dema ku ew di xew de bûn mirin derbasî pişên wan bû, û got ku zaroka bi awayekî cihê matmayînê ji komkujiya kîmawî rizgar bûye, îro bûye gênc, lê her şev bi tirs radibe, û diqîre û hestê xeniqînê pêre çdibe, nikare bêhna xwe bikşîne, li derdora xwe dinere, bi zehmetî bêhna xwe dikşîne, li perçak cawê şil digere da deyne ser rûyê xwe, nikare ji hev derxe gelo ba paqij e an bi gaza sarînê jehirkirî ye.
Û Hebûs cext kir ku laneta xwîna bêgunehan dê bi pey kesên tawan pêk anîne bikeve, û malbatên qurbaniyan aram nabin, û lehiya êş û azarên wan ranaweste, eger ew kesên ku xizmên wan kuştine siza nebin, û bal kişand ser wê yekê ku rizgarbûna tawankaran ji sizayan dibe sedema bêaramiyê, û rewş weke volkana li ber teqînê dimîne.
Û Habûş diyar kir ku piştî 10 salan hîn jî kujer azad e, û jiyana xwe ya rojane bi awayekî normal didomîne, û ji balkona koşka xwe li Ghotayê mêze dike, û qehweya xwe vedixwe, û kêfa xwe ya kêliyên ku bi sedan qurbanî di yek ji komkujiyên herî hovane yên vê serdemê de pêk anîne bibîr tîne, û paşê hevpeyvînên televizyonî dike, û quretiyê bi serketinên xwe li ser termê zarokan bi hemû çekan ta ewên ku li ser asta navdewletî qedexe jî dike, û wek kesekî ku tiştek nekiriye tevdigere.
Jêder: Ofîsa Ragihandinê ya Hevbendiya Niştimanî ya Sûrî
